Bi diani U Tienu yelicele Jeova, Jeova Siedinba Diemdiena po. Lani li cedi ke tin kubi ti Diemdiena ke laa pia joangidi, tie tipo ti jigidi, li wangi ke ti kpiagidi Jeova. Yua kuli baa fidi kuani o yuli laa tuonli nni.

Ti taanli yaa gbeni, ti baa fidi todi ki ŋanbi ti Diemdieli. Taanli kuli yaa gbeni, ti kpiiba tianba yen taani pidi leni li pamanli. Danalele kuli bi yen ŋanbi pidi ki go duuni. O nikpelo bi o nikpelo todika n gobidi laa tuonli. Laa yogunu bi pidi ki go duundi li dieli, bi ŋuudi fenetidinba leni a kpaga yeni, bi pidi li ñanñanbonli kaanu, ki go pidi niinpo. Ti yaa wangi ti bila ban baa fidi todi-​ti maanma, ti wangi-​ba ke li ŋani tin ŋanbi kubi ti Diemdiena.​—⁠O Yanfuodaano 4:⁠7.

Bonla ŋanbima yaa tie tiladi, ti ŋanbidi. Binli kuli, ti yen diidi yaala bua mi ŋanbima ti Diemdiena po. Ti yaa la ke li tie tiladi tin ŋanbi bonla, ti yen jaligi ŋanbi la. Li todi ke tii biandi ti ligi, ke li dieli moko ki biidi. (Bi Badiba Jama Tilieli 24:13; 34:10) Ti yaa ŋanbi kubi ti Diemdieli ke laa pia joangidi li ŋani kelima U Tienu kpiagidi kaanu tie yene. Ti yaa taagi ki ŋanbidi ti Diemdiena ti wangi ke ti kpiagidi Jeova leni O jaanma kaanu. (Pisomi 122:2) Lankuli baa cedi ke nitoaba moko n yaa kpiagidi-​O.​—⁠Korenti Yaaba Tilieli 6:3.

• Beepo ke ti kuani ti yula ti Diemdiena kubili nni?

• Ti tiendi lede ki kubi ti Diemdiena yogunu kuli?