Testigos de Jehovati ii irúntairinkia Jehová enentáimtiniaitji. Tuma asamtai pénker japimkiár, pénker iwiarkar takúwitji. Nuú takatnumka máshiniu yaímkiatniuitji. Tura Yuusna asamtai wará warát najánatniuitji.

Iruntrar amikiarar japímkiatin yaímkiamniaitji. Iruntrar amikiár ii yachijiai ii umaijiai pénker japimkiár ikiúwitji. Tura aintsank uchisha ame jéamuk yaímkiata tiniuitji. Nuyá chikich tsawántinkia, uunt tsamakú anáikiamu túrutskesha irúntramunam yaímniukesh, papií aarman iis ju najánatarum túramkurin ventánasha, ekémtaisha, iíspiksha japíniaitji. Ijiátmataisha pénker nijiáwitji. Nuyasha basúrasha ajápniuitji. Aánisha máshiniu japímniuitji. Tura ántsuka tuke uwitin mashi irúnturar ventánasha, ekémtaisha, iíspiksha japí japíj amájniuitji. Ijiátmataisha pénker nijiá nijiá amájniuitji, tura basúrasha ajá ajapúj amájniuitji. Aánisha máshiniu japí japimiúj amájniuitji, tura kukúj arakmasha taká takarúu ikiúwitji (Juaṉ 2:17).

Warinsha meserú iwiáratin yaímkiamniaitji. Ii irúntairin tuke uwitin warinsha meserú atai tusar aánisha tura inítiaanisha pénker iíniaitji. Nu túrakur meserusha warik iwiárniuitji nuyá kuitcha nukap ajápchaitji (2 Crónicas 24:13; 34:10). Ii irúntairinkia Jehová enentáimtutai asa wapikcha átiniaiti. Jehová anéa asár japímkiatin nuyá iwiáratin yaímkiatniuitji (Kurusenam [Colosenses] 3:23). Nu túrakrinkia chikich aentscha pénker iirmásartatji (2 Kurintiunam 6:3).

• Urúkamtai ii irúntairi pénker waínkiatniuitiaj?

• Ii irúntairi itiurkaria pénker waínniuitiaj?