Isem iqedsen n Ṛebbi yeţwakteb ɣef Tzeɣwa n Tgelda n Inagan n Yahwa. Ma neǧǧa-​tent zeddigit, cebḥent yerna ţ-​ţijdidin, d lemzeyya yerna d ayen yesεan azal di leεbada-​nneɣ. Yal yiwen yezmer ad iţekki deg wannect-​a.

Ma nţekka deg usizdeg n Tzeqqa. Kul m’ara ifakk unejmuε, kra n Inagan ţţenkaren s lfeṛḥ ɣer usizdeg axfifan n Tzeqqa n Tgelda. Yiwet n tikkelt i smana, ssizdigen-​ţ mliḥ. Yiwen n ccix neɣ yiwen n uqeddac amεiwen yeţwellih lxedma-​yagi; tikwal yeţmuqul ɣer yiwet n twerqeţ ideg i ţwaketben lecɣal i glaqen ad ţwaxedmen. Ţḍummun, ţseyyiqen, ţekksen aɣebbar, ţqeεεiden ikersiyen, ssiriden lkabinat, seffḍen lmeryat, ssufuɣen ibidunen n lewsex yerna ssizdigen amṛaḥ (afrag). Yiwet n tikkelt neɣ kteṛ i useggas, εezzlen-​d ass kamel bac ad kkren ɣer usizdeg ameqran. M’ara neṭṭalab i warraw-​nneɣ ad ţekkin di ccɣel-​agi, nesselmad-​asen ad ţqadaren imukan-​nneɣ n leεbada.—Amusnaw 5:1.

Ma neţṣeggim ayen yerrẓen neɣ ayen ixesṛen. Mkul aseggas, nessefqad Tizeɣwa-​nneɣ ama si zdaxel ama si beṛṛa bac a nẓer d acu i gxesṛen d wacu i gerrẓen akken a t-​nṣeggem. Akka, ţɣamant Tzeɣwa-​nneɣ ţ-​ţijdidin yerna ur d-​yeţţili ara umeṣruf baṭel. (2 Amezruy 24:13; 34:10) Tazeqqa n Tgelda zeddigen yerna iwennεen d amkan iwulmen i leεbada n Ṛebbi. Kul m’ara nţekki di lecɣal-​agi, neţbeggin-​ed acḥal i nḥemmel Yahwa akk-​d wemkan-​nneɣ n leεbada. (Ahellil 122:1) Ayagi yessasay-​ed leḥmadi i Yahwa sɣur lǧiran.—2 Ikurintiyen 6:3.

• Ayɣer ur ilaq ara a nestehzay deg wemkan-​nneɣ n leεbada?

• Amek i nesseḥbibir ɣef Tzeɣwa-​nneɣ n Tgelda?