Ɔl di Kiŋdɔm Ɔl dɛn we Jiova Witnɛs dɛn de yuz gɛt Gɔd in nem. So wi ɔl fɔ ɛp fɔ mek di Kiŋdɔm Ɔl klin, mek i fayn fɔ luk, ɛn mek di say dɛn we dɔn pwɛl. Wi fɔ gladi fɔ du am bikɔs na wan we dat fɔ wɔship Gɔd. Wi ɔl kin jɔyn an fɔ du dis wok.

Wi kin ɛp fɔ klin di Kiŋdɔm Ɔl afta di mitin. Afta ɛvri mitin, di brɔda ɛn sista dɛn kin klin di Kiŋdɔm Ɔl smɔl. Bɔt ɔda tɛm dɛn de we wi kin klin di Kiŋdɔm Ɔl fayn fayn wan. Wan ɛlda ɔ ministerial savant kin sho wi wetin-ɛn-wetin fɔ du we rayt na wan pepa. Wi kin swip, wep di grɔn, pak di chia dɛn fayn, klin di tɔylɛt dɛn, was di winda dɛn, trowe di dɔti ɛn klin di kɔmpawnd. Wantɛm insay di ia, wi kin klin di Kiŋdɔm Ɔl bɛtɛ bɛtɛ wan. I fayn fɔ mek wi pikin dɛn ɛp fɔ klin di Kiŋdɔm Ɔl. Dis de mek dɛn no se dɛn fɔ rɛspɛkt di ples usay wi de wɔship Gɔd.—Ɛkliziastis 5:1.

Wi kin ɛp fɔ mek di say dɛn we dɔn pwɛl. Ɛvri ia, di brɔda dɛn kin luk di Kiŋdɔm Ɔl fayn fɔ si if ɛnisay dɔn pwɛl. Dis de mek wi no usay-ɛn-usay fɔ mek, ɛn i kin mek wi nɔ spɛn bɔku mɔni tumara bambay. (Sɛkɛn Kronikul 24:13; 34:10) Di Kiŋdɔm Ɔl go bi fayn ples fɔ wɔship Jiova if i klin ɛn fayn fɔ luk. We wi de du dis wok, wi de sho se wi lɛk Jiova ɛn di ples usay wi de wɔship am. (Sam 122:1) Di pipul dɛn we de na di eria go rɛspɛkt di Gɔd we wi de wɔship if di Kiŋdɔm Ɔl klin ɛn fayn fɔ luk.—Sɛkɛn Lɛta Fɔ Kɔrint 6:3.

• Wetin mek wi fɔ klin ɛn mek di say dɛn we dɔn pwɛl na di Kiŋdɔm Ɔl?

• Ustɛm wi kin klin di Kiŋdɔm Ɔl?