Jo Karini dria ’Ba Yehova ma E’yo Eti Nzepi ’Diyi pini ri so pa ru alatararu Munguni ri e’dazu. Ani e’yo ’disi, azi jo nde ’di ma ta mbazu kililiru ri di amani woko Mungu inzizuri ru. ’Dini ama ecoki di dria Mungu ni inzi kilili ru geri ’disi ra.

Mi owi mi ngulupi sawa driasi jo nde ’bazu alatararu okuta dria ma vutia. Okuta alu alu dria ma vutia, adripika ki amvupika pie woro Jo Karini ri ma ale ede eri ’bazu alaru. Pale alu sabatu driasi eyi vini emu pari dria ede kililiru. Mbaza aluni kaniku adripi azi ma aza kopi aluni azi ’diri otu ni. ’Ba ndundu eyi azi esele ndundu ekile jo kaniku coroni ale weza azini ojiza le, dirisa azini kome dri inyiza pie ’diyi ki ’ye. Azi ’diyi angu amveleru ri vo azini we. Eli alu alu si eyi o’du azini pe emuzu afa dria ki ’bazu alaru. Akaki fe anzi amani ’diyi ma ngaki azi ’diyi ki indi, ama nga eyi imba inzita fezu pari amani Mungu inzizu rini.—Eklesiaste 5:1.

Mi fe mi ngulupi azi ci ri ngazu. Eli driasi, ’ba Jo Karini ’di ma ale one woko ni amve ri pie dria kilili ecozu afa i ezapi ’bo ’diyi ki edezu coti de nga ezani i tu ku. ’Yezu ’dile ri ni fe ’ba azi were were ’diyi nga deresi ezani nga i nyanya sende ’duzu tu ’dini ku. (2 Suru ma E’yo 24:13; 34:10) Jo Karini ’bani agei ni te kilili ri eri pari sipi ra amani ecozu ama Mungu inzizu ra ri. Akaki azi ’diri nga asi driasi, ama nga e’da aleki Yehova ni asi driasi azini aruki pari eri inzizu ri ra. (Zaburi 122:1) ’Diri vini nga fe ’ba dria ni e’yo kililiru ri ega ama dria.—2 ’Ba Korintoa ’Diyi 6:3.

• Le ambaki pari amani Mungu inzizu ri ma ta kilili ru a’du ma e’yo si ya?

• Otuta ’bani otu Jo Karini ri ’bazu alaru riki ngoki?