Tomiala Kaa seĩ lɛ lɛ Zihova la Kela vɔ o gbini a lɛɛ yia ka. A mɔɔ wɔ̃ mɔɔ, koo ko yɛlɛtaa kelɛ ye kɔa da kaa wi bɛi yɛɓo ba, a lɛ mɔ aa kɛ sɛɛ, ɛ̃ɛ̃ kɔaa a sie pia bɛia, lɛɛ Wala tɔ ɓɔ. Zeniia, lɛ kɔa gbini Wala lɛɛ kɔ kpeĩ do ka. Kɔa seĩ kɔaa bɛi daa ba.

Ye pakiemɔ aa nyɛɛ, i i die nɔ yɛɓo e kea do kɛɛ wɛ̃ĩ. Ye pakiemɔ aa nyɛɛ, ko leege vɔ oo da o kie ba geli ka waa Tomiala Kaa wi bɛi kɛɛ e kɛ sɛ. Koo ko Tomiala Kaa lɛ mɔ bɛi kpokpo ɓo teele. Mia diedie-vɔ ɛ̃ɛ̃ gbũ Walamia mɔ miaa do oo lie si yɛɓoa kɛɛ ka. A kɛɛ̀ yia, kii lɛɛ lɛ e zi o bɛi yɛɓoa kɛɛ a kaa zɔ̃ɔ̃ o lɛɛ lɛ o kɛlɛ. Mia oo o die nɔ yɛɓo ni o kea kɛɛ wɛ̃ĩ: Oo lɛ golo, o kaa wi pɛlɛ, o munu ɓo yaala pɛ nia mɔ to waa yala bɛi, ɛ̃ɛ̃ oo dɔzipie kɛpiaa pɛlɛ to wa bɛi e yie ka yekɛ a gĩĩ e ɓɔ. E kãa mɔɔ, oo weĩlo wa galasi nia pɛlɛ e yie ka, to waa gboo nia gele. E bɛi oo kaa gbimɔ pɛlɛ waa siidoũ ni ɓoa mɔ, e to waa a pɛlɛzei ni bɛi. Kɛɛ seĩ yia, oo luo doo si waa kaa siepia ni lɛ e a mɔɔ pɛkɛ. Ye kɔaa to ko nɔɔɓe ni waa da yɛɓo e kilia kɛɛ baa, kɛɛ kɔa zɔ̃ɔ̃ pia o lɛɛ kelɛ laa mɔ o gbini Wala lɛɛ piaa ɓɛlɛya.​—Ikilisiase 5:1, NW.

I gbumɔ nɔ kaa sie pia bɛii yi. Kɛɛ seĩ kaa, ko leege vɔ do oo nu waa Tomiala kaa mɛnyɛ a siepia wɛ̃ĩ. A mɛnyɛɛ e kilia, laa kɛ mia waa o zo kɛa pie teele a sie pia bɛii ka. A kɛɛ yia lɛɛ gbumɔ nɔ yekɛ o pɛlee kaaa nɔ ɓɔɔ. (2 Kanekɔ 24:13; 34:10, NW) Tomiala Ka lɛ a bɛii lɛ e yie ka ɛ̃ɛ̃ lɛ o o zo kɛa piea, lɛ gbini Wala lɛɛ pia kpeĩ ka. Ye kɔa da yɛɓo e kea kɛɛ ni baa, koo zɔ̃ɔ̃ kelɛ koo lɔkɛ Zihova ka ɛ̃ɛ̃ lɛ ko gbini a lɛɛ yia lɛ kpanazɛ ko lɛɛ. (Sãã 122:1) Zeniia, lɛɛ mia zo si waa nu kɛɛ o gbini Wala lɛɛ yi.—2 Kɔleĩtĩa 6:3.

• Mɛ e kɛ lɛ ye wa sɛ ko zo e ni ko gbini Wala lɛɛ piaa mɔ?

• Wɔ̃ yakielezɛ kpɛɛ lɛ lɛ ɓe Tomiala Kaa lɛ bɛii wɛ̃ĩ?