Mé gʉa na ménda tchou’té Pakuié Ntang Jéova, nŋwé’é lézing Ssé sié ée ndʉalʉa. Pou’ou la, pégé sa’ tʉ néŋé tuiè tsaa nda tchou’té mboo méngʉŋé wo, nging ngʉo ngié é ŋwʉŋé mbing si, é wo koua’ mékou’ mbwo pégé mbing ngouô tʉnzuing na gou’té yié pégé naa pwo Ssé. Ngouô maawôôwôô néng mbwo na fa’.

Koung koung nnéŋé tuiè fʉ’é tchou’té maag. Yèe tchou’té wô vôg ta mmag pé’é, Pakuié Ntang Jéova na’a nnéŋé tuiè tsèe nda tchou’té. Mé gʉa na ta’a lièe’ na sang, mbii tam ndôg nkui’i nnéŋé tuiè. Ta’ ndhié ka ta’ nkuiété mélhié wôô, lôgô tsô pipa wuié mé ŋwé’é choum sié mé gwiée lé gʉo moo ndôg ntséen fa’. Pʉa ta ngiôôn zéŋé nnè nto nkuilé ménkʉo gégaŋa, ésôg ssé nda, ntsi’i mélʉng, méwoundou laa méntchwonda, ntangté mélʉng, ésôg mékapiné, mpfèté ndoonté, ndagté mépipa méngʉŋé nda tchou’té ka ntsô’té mégi wôô. Ménda tchou’té ntsém ké té gwiée ta’ nti méfa’ wô. Mé gʉa na ngou’ou la’, ntsô’ô ta’ lièe’ lé koua’ mbii tam nnéŋé tuiè jʉ’ ntsém nda tchou’té. Pégé zuing ngié pénkʉ pégé gouôg yôb fa’ pé’é, ndôgô nzi’i wab lé na mékou’ na jʉ’ yié pégé gou’té Ssé wo. —Ékléziaste 5:1.

Zéŋé nnè nkuiété lé gnièté choum sié é tchʉngtée. Aa méngou’ ntsém, mé tsaasé choum ntsém sié ée tsèe nda tchou’té mboo sié ée nzémé pii. Mé foo na mmo yié mé giaa, nnéŋé ngnièté choum sié é tchʉngtée, nzsé ngié nda gé ké wô pô mbong; a gʉo mé té tchʉngté nkab suièe suièe wô. (2 Kronik 24:13; 34:10) Nda tchou’té né sii mbing ngouô mbong pé’é, a wo koua’ pa’ a né nzaté na jʉ’ yié mé gou’té Ssé wo. Légouôg môôn méfa’ lé zéŋé nnè gnièe ngié pégé koua’ nkouŋo Jéova, po jʉ’ yié pégé gou’té yé wo. (Zôbô ntsé 122:1) Pʉa ying foo moo ngʉo mékou’ tchou’té yég.—2 Korénto 6:3.

• Pégé té gwiée lé gnié ndoonté jʉ’ yié pégé gou’té Ssé wo wô nti kô?

• Mé néŋé tuiè tsèe ménda tchou’té még lékô?