Reinomanda Yachana Huasiga, Jehová Diosta adorangahuami an. Chiraigumanda ali cuirasha charina anchi. Reinomanda Yachana Huasi ali sumajta ricurichu tucuiguna cuirasha yanapana ushanchi. Shina rasha paita sirvinchi, adoranchis.

Tandarina tucurishca huasha pichangahua yanapashunchi. Tandarina tucurishca huasha pichasha yanapanchi. Shinallara caran semana shu cutin Reinomanda Yachana Huasira sumajta pichanchi. Shuj mingashca huauqui shu listara ruran imasna tarbanara ricuchingahua. Chibi yachachin imasna pichanara, pulvu anzhuchinara, tiarinaunara alichinara, bañoguna maillanara, ventanagunara, espejogunaras limpianara, basurara ichunara ima turuyashcaunaras anzhuchinara ricuchinmi. Shinallara caran huatai shuj cutin Reinomanda Yachana Huasira alira alichinun. Huahuaunaras pichangaj yanapachishaga Yaya Diosta respetanuchu yachachinchi (Eclesiastés 5:1).

Reinomanda Yachana Huasira alichingaj yanapashunchi. Caran huata shu cutinlla intiru yachana huasira ricunun, maibi alichina ministishcara alichingaj, shina rasha ama yangamanda cullquira gastangaj (2 Crónicas 24:13; 34:​10). Reinomanda Yachana Huasi sumaj ricurichu munanchi. Tucui ñucanchi yachana huasira cuirangaj munashaga, Jehová Diosta imasna llaquishcara ricuchishun (Salmo 122:​1). Astaumbas, Reinomanda Yachana Huasi sumajta alichishca ajpi, Jehová Diosmanda ali rimanunga (2 Corintios 6:​3).

• Reinomanda Yachana Huasi ¿imarasha ali ricurichu munanchi?

• Reinomanda Yachana Huasi ali ricurichu ¿imara ruranchi?