Huñunakuna Salonqa Jehová Diospa suntinwanmi reqsichikun, chaymi limpio hinaspa sumaq allichasqa kanan. Chaykunapi yanapakuyqa Diospa agradonpaqmi, chaymi llapallanchik yanapakunanchik.

Huñunakuy tukuytam yanapakunanchik. Sapa huñunakuy tukuytam pichaypi yanapakunku, semana tukuytañataqmi astawanraq limpianku. Huk anciano otaq siervo ministerialmi imakunata ruranapaq kasqanman hina dirigen: pichanapaq, sillakunata trapowan limpiaspa sitionman churanapaq, bañokunata limpianapaq, ventanakunatawan espejokunata limpianapaq, basurata wischunapaq chaynataq hawa lawkunatapas pichaspa sumaqta allichanku. Sapa watam huk kutita hawantapas ukuntapas sumaqta limpiaspa allichanku. Warmachakunata imapipas yanapakunankupaq niyqa allinmi, chayna rurasqankuwanmi Salon cuidayta yachanqaku (Eclesiastes 5:1).

Allichaypim yanapakuna. Sapa watam hawantawan ukunta qawanku imakuna allichana kasqanmanta yachanankupaq, chayna rurasqankuwanmi allichasqalla kanqa tiempo risqanman hina llumpay gastokuna mana kananpaq (2 Cronicas 24:13; 34:10). Limpio hinaspa sumaq allichasqa Salonqa allinpunim Jehová Diosta yupaychanapaq. Salon allichaypi yanapakuspaqa huñunakusqanchik wasi chaninchasqanchiktam qawachinchik chaynataq Jehová Dios ancha kuyasqanchiktapas (Salmo 122:1). Vecinokunapas allinpaqmi qawanqaku (2 Corintios 6:3).

• ¿Imanasqam allichaniku Huñunakunapaq Salonta?

• ¿Imakunatam ruraniku Salonniyku limpiolla kananpaq?