Секо йекх Зала е Тхагарипнаскери е Йеховаскере Свидетеленгери пхиравел е Девлескоро свето алав. Адалкхеске аменге си привилегия тай важно част таро поклонение е Йеховаске те помагинас те поддържинел пес и Зала шужи, представително тай запазиме. Саворе ащи те помагинен далкхеске.

Ов готово те помагинес андо почистване палал о събрание. Палал секо събрание пхрала тай пхеня лошаляса подрединен тай керен леко почистване анди Зала е Тхагарипнаскери. Редовно керел пес по–баро почистване. Йекх старейшина или помощник–служители организиринел и бути, като следвинел списъки букиенца, колато требинел те керен пес. Пхрала тай пхеня шулавен тай изкосен о поди или мукен прахосмукачка, косен о прахос, подрединен о столовя, чистинен тай дезинфекциринен о кенефи, косен о жамя тай о аняс, чшивен о боклуки тай чистинен о дворос тай и градина. Поне йекхвар андо бреш керел пес основно почистване. Като включинас е чшавен–да десаве букиенде, сикавас лен те уважинен о тхан, кате поклонинас амен е Девлеске. (Еклисиаст 5:1)

Помагине, кана керел пес ремонти. Секо бреш керел пес подробно проверка анди Зала е Тхагарипнаскери сарто андрал, чука аврял–да. Чука ащи те керел пес редовно поддръжка, за те ащи и Зала те овел запазиме тай те на керен пес ненужна разхогя. (2 Летописи 24:13; 34:10) И шужи тай лачшес поддържиме Зала е Тхагарипнаскери си достойно тхан, кате поклонинас амен амаре Девлеске. Като участвинас далкхе букяте, сикавас кизом дехас е Йеховас тай ценинас о тхан, кате поклонинас амен леске. (Псалм 122:1) Саворе далкха усилия керен лачшо впечатление е манушенге турял аменде. (2 Коринтяни 6:3)

• Соске на требинел те пренебрегвинас и поддръжка е тханеске, кате поклонинас амен е Девлеске?

• Сар си организириме и бути, за те поддържинас и Зала е Тхагарипнаскери шужи?