Σαρέ ο Αίθουσες Βασιλείας των Μαρτύρων του Ιεχωβά τθερένα ο άγιος ναβ ι Ντεβλέσκο. Οτθάρ, μανγκάσα μπουτ ντα ισί σημαντικός αμένγκε τι περιποιήνας ο Αίθουσες Βασιλείας για τι αβέν πάκι ντα σουκάρ, σόσκε αντικάς ντάσα δόξα κο Ντεβέλ. Ανταλέστε μπορίνασα τι βοηθίνας σαρέ.

Καθαρίνασα αφού τελειώνελα η συνάθροιση. Αφού τελειώνελα η συνάθροιση, πφραλά ντα πφενιά γκίντενα με χαρά ντα καθαρίνενα σουγκό ι Αίθουσα Βασιλείας, ντα εκ φαρ κι εβδομάδα καθαρίνενα-λα ατζέ πιο λατσσές. Επίσης, εκ πρεσβύτερος ή διακονικός υπηρέτης τθερέλα γραφιμέ ο μπουτιά σο πρέπει τι αβέν-πες ντα σαρ πρέπει τι κερντιόν. Κάνα χρειαζίντιβελα, ο τζενέ σο μανγκένα τι βοηθίνεν σουλαβένα, σφουγκαρίνενα, κοσένα, τσσουβένα ο καρέκλες κι σειρά, καθαρίνενα ο κινέφια, δηλαδή ο καμπινέδες, κοσένα ο τζάμια ντα ο ανιάδες, φουρτίνενα ο σκουπίδια ντα καθαρίνενα αβριάλ ο τθαν. Κάθε μπρες κανονίνασα τι τζας εκ ντιβές τι καθαρίνας μπουτ λατσσές σαρί ι αίθουσα. Λάσα παλ’ αμέντε αμαρέ τσσαβέν-ντα για τι βοηθίνεν-αμέν κο μπουτιά σο κεράσα. Αντικάς σικλιαράσα-λεν τι σεβάνεν ο τθαν σο ντάσα λατρεία κο Ντεβέλ.—Εκκλησιαστής 5:1.

Όταν χαλάντιβελα κάτι, βοηθίνασα τι κερντιόλ. Κάθε μπρες, ντικχάσα προσεκτικά σο προβλήματα τθερέλα η αίθουσα, αντράλ ντα αβριάλ. Για τι αβέλ εντάξει η αίθουσα, όταν αρακχάσα εκ πρόβλημας βοηθίνασα τι κερντιόλ, αντικάς να χαλαβάσα σινανέ λοβέ. (2 Χρονικών 24:13· 34:10) Εκ πάκι ντα σουκάρ Αίθουσα Βασιλείας ισί ο τθαν σο μπορίνασα τι ντας δόξα κο Ντεβέλ. Κάνα κεράσα σαρέ ανταλά, σικαβάσα ότι μανγκάσα ι Ιεχωβάς ντα σεβάνασα ο τθαν σο ντάσα-λες λατρεία. (Ψαλμός 122:1) Επίσης, τθεράσα εκ λατσσό ναβ κο γιαβερά τζενέ.—2 Κορινθίους 6:3.

• Σόσκε δεν πρέπει τι μουκχάς λέσι ο τθανά σο ντάσα λατρεία κο Ιεχωβά;

• Σο κερένα ο πφραλά για τι ατσσόλ πάκι η Αίθουσα Βασιλείας;