Ехованың Шаятларының Патышалык заллары Худайың мукаддес адыны гөтерйәр. Шол себәпли биз бу залларың арасса, якымлы ве абат болмагына гошант гошмагы хормат сайярыс. Биз муны Худая эдйән сеждәмизиң ваҗып бөлеги хасаплаярыс. Патышалык залларының арассачылык ишлерине хеммелер гатнашып билйәр.

Йыгнак душушыгындан соң арассачылык ишине гатнашярыс. Доган-уялар гечирилйән душушыклардан соңра Патышалык залыны хөвес билен арассалаярлар. Хепдеде бир гезек болса, Патышалык залының арассачылыгына хас-да айратын үнс берилйәр. Бу ише йыгнак яшулусы я-да гуллук хызматчысы берлен гөркезме боюнча ёлбашчылык эдйәр. Доган-уялар Патышалык залыны сүпүрйәрлер, ювярлар я-да тозан соруҗы билен арассалаярлар. Шейле-де тозан сүпүрилйәр, отургычлар тертиплешдирилйәр ве хаҗатханалар йөрите серишделер билен ювуляр. Йылда азындан бир гезек Патышалык залында дүйпли арассачылык иши гечирилйәр. Эгер биз кәбир ишлери чагалара табшырсак, олара сежде эдилйән ерлере хормат гоймагы өвредерис (Вагыз китабы 5:1).

Беҗериш ишлерине көмек эдйәрис. Хер йыл Патышалык залының ички ве дашкы ягдайы долы гөзден гечирилйәр. Шейле ишиң ерине етирилмеги залың абат сакланылмагына ярдам эдйәр ве артыкмач чыкдаҗылар эдилмейәр (2 Йыл язгылары 24:13; 34:10). Арасса ве абат Патышалык залы Худая сежде этмәге мынасып ердир. Биз бу ише гатнашып, Худайы сөййәндигимизи ве Оңа сежде эдилйән ери гыммат сайяндыгымызы гөркезйәрис (Зебур 122:1). Арасса ве якымлы Патышалык залы адамлара говы тәсир эдйәр (2 Коринтослылар 6:3).

• Биз Патышалык залының арассачылыгына нәме үчин совук-сала гарамалы дәл?

• Патышалык залының арасса болмагы үчин нәхили чәрелер гечирилйәр?