Lézeung Ndem tsi é ndaané-laané, é nti-tii anè nkwa ménguia atchou’té Ménjheuè-njiô Joovah. Nfhou poup, mpeukè jou’ nguè a azou té ntseukné a mbou mpeuk métseum a légheu tè nguia atchou’té zeuk é laané mbing ngnwang-né éfœu’ métseum. A lôkô ngôô mô’ éshheu mbông a lélôk nguemtè Ndem. Awuè-wuè a ghô neung-è azi apou éwou.

Mpeukè lôk lékông weuk ngôk afœu’ zi atchou’té a mi. Atchou’té a nang té mii a, nkwa épô mémia é ghô mé lékak a léssok nguia atchou’té. A ta’ légheuô anè ngap ala’, mpeukè pou nzeung ntchhinèt éssoko mbông-ô. Ta’ nfènè kèè ta’ nkuité ménfènè mè tsang-a afa’ mèt, mbing ntsui métsoo mi mè ghô gheu, éfhô anè atangté zi mè wèè. Épô mémia é lôk lékông wôp njôk mbing éssok éssi-nguia, éfôk avôp, ntsi’né méleung, éssok akouèt, mbô méwoundou pô méngrassi, ngwa’ ndôôté mbing ntchoungté nzeumè apè tè é pou mbông. Ta’ ngou’ a ghô létôk té ghô yi mpeukè tshiè ta’ alé’é a lélôk mbou éssok nguia atchou’tè è. Légheu tè wônkheu peuk é zeung ngôkô zôp afa’ jiô mèt, a si ngô mô’ éshheu a lélôk nzi’nè wôp a léwou’tè aji’ zi mè gheumtè Ndem éwou.​—Ecclésiaste 5:1.

Mpeukè tôôtè afa’ léngnyètté métsoo mi é si nzwing-è. A nkwa méngou’, mpeukè tsa’ nguia atchou’té, nzeung ntchiité nzeumè apè. Mpeukè fhou poup, ngnyètté métsoo mi é si ndôôtè éji’, tè nguia é pou ngô mbông, ndôk mbaa a létseungté nkap tè’. (2 Chroniques 24:13; 34:10) Nguia atchou’té zi é laané mbing mbông é si ngô kwa’ mbông aji’ zi mpè pôngtè a légheumtè Ndem éwou. Mpeukè tsia anè afa’ mèt, ntsui pa’ mpeukè kông-ô Joovah poup, mbô pa’ mpeukè wou’tè aji’ zi mpeukè gheumtè yi éwou. (Psaume 122:1) Afa’ jiô mèt a zeung ngheu tè épouô é zeung ntswhi ngou’tè weuk.​—2 Corinthiens 6:3.

• Mpeukè té pôngtè a léwa’nè aji’ zi mpeukè gheumtè Ndem éwou mela’akô?

• Mpeukè ghaa tè nguia atchou’té é laané?