Guirá Lagary ro radop Testigos xtuny Jehová néni laa nayaa Dios, por ngú non gonyno por gacni nayaa né guienni sacró. Ni lóono rasiáno Lagary ro radopno rasacni, né nacní toib mod ni rony adorarno Jehová. Guiráno labúu gonyno láani.

Tzóno puext guilobno órni ralox reunión. Órni ralox reunión, guirá herman ni radop lainy congregación rasaló ralob Lagary ro radopno, toib buelt ló xomal rasiátzayibu láani. Toib anciano o toib ministerial raiby layibu ximod gonyibu dxiin, rabíyibu ló guiich xí ni gac: guilob, guieer o guiá ló píis, guireʼ goxioo né guiguaʼtzay xilet; guieer baños, guiá bentan né spej, guisapy guix, né guicann cuidad guieʼ ni napni. Ná toibtica buelt ló toib íz riá tibrodiguieʼ Lagary reʼ. Ni mbiox racaʼ dxiiñen par guisiá Lagary reʼ rasuidyibu gapyibu respet Lagary ro rony adorarno Jehová (Eclesiastés 5:1).

Gacnéno gactzayni. Guirá íz rioʼ ni rabiʼtzay nislainy né nisfuer Lagary ro radopno par ganno pu lagary riatz gactzay par guienni sacró modreʼ diti cuenunysi kitno bidxiich (2 Crónicas 24:13; 34:10). Pal Lagary ro radopno nayaani né sacróni sienni toib lagary galán ro rony adorarno Dios. Pal nóono puext gonytzaayno láani, raslooyno que rasacni né balaati midid nadxiʼno Jehová (Salmo 122:1). Láaca, buñ ni guibí láani sadziguiaʼ mod nacní (2 Corintios 6:3).

• ¿Xigony raquiin gantzayno Lagary ro radopno?

• ¿Xí dxiin rac par gac nayaa Lagary ro radopno?