Слер Агару Бичикти јакшы оҥдоп турарга, кандый бир теманы шиҥдеерге кӱӱнзейдер бе? Слерди кандый бир ӱлгер јилбиркедип турган болор бо? Эмезе слер Агару Бичикте айдылган кандый бир кижи, кала эмезе не неме керегинде кӧптӧдӧ билерге кӱӱнзейдер бе? Айса болзо, бойыгардыҥ кӱчтерердиҥ аайына чыгарга, библиялык јӧп керек болот по? Андый болзо, Каандыктыҥ Туразындагы библиотеканы барып кӧрӱгер.

Шиҥжӱ ӧткӱрерине керектӱ библиотека. Слерде Иегованыҥ Керечилериниҥ бичиктери тӧрӧл тилерге јок болордоҥ айабас. Је олор Каандыктыҥ Туразындагы библиотекада бар болор. Библиотека бичиктерле јаантайын јеткилделет. Бистиҥ бичиктердеҥ башка, ондо Агару Бичиктиҥ башка-башка кӧчӱрмелерин, сӧзликтер ле энциклопедиялар таап аларга јараар. Библиотека ончо улуска јууннаҥ озо ло јуунныҥ кийнинде ачык болот.

«Јӱрӱмис ле ижибис» деген туштажуга берилген ӱредӱлӱ јакылтаны белетеп тургандарга јаан болуш. Јакылтага белетенип тура, Каандыктыҥ Туразындагы библиотекала тузаланарга јараар. «Јӱрӱмис ле ижибис» деген туштажуныҥ башкараачызы эмезе Агару Бичикти слерле ӱренип турган кижи керектӱ јетирӱни канайып таап аларын кӧргӱзип берер аргалу. Бу библиотеканыҥ бичиктерин Каандыктыҥ Туразынаҥ чыгарарга эмезе олорго кандый бир темдектер эдерге јарабас. Бичиктерди чебер тудунар керек.

Агару Бичикте айдылганыла «Кудай керегинде билгирди» «јажырылган эрјине чилеп» бедиреер керек (Укаа сӧстӧр 2:1—5). Слерге мынайып бедиреенип баштаарга, Каандыктыҥ Туразындагы библиотека болужар.

• Каандыктыҥ Туразындагы библиотеканаҥ нени таап аларга јараар?

• Библиотекала канайып тузаланарын слерге кем кӧргӱзип берер аргалу?