Ji ne tcheng she potse tsye a gô kwite o ne ping tchente djouʼ Bible a ne o a? Ji ne ping jye ywe ne taʼ khè, taʼ mo, taʼ tsuʼ, ke taʼ ywe ye pou ghôm nwe ne tchum Bible a ne o a? O fe daʼ te tcheng ne jye be ye ghôm Si fing ne kwite o ne sôk mnwe mye a sôʼ ne o a? A pe poʼo o ghô tsuʼ ne bak mŋwaʼgne tchum Dye Nefo.

Tse pepoung ne tcheng potse be tchum o. Mouʼtchwe o ka ghe goung mŋwaʼgne mye pe Mkwithè Jéova de Bible ne thé a tchum ghôm tsu. Daʼge tsuʼ ne bak mŋwaʼgne Dye Nefo be a ghe boʼgwye ne mŋwaʼgne mye a bo te them a mouʼtchwe ba she mtoute Bible, taʼ dictionère pepoung ba she mŋwaʼgne mye pou fing ne tcheng potse tchum o a. O fing ne ghô ne tsuʼ ne bak mŋwaʼgne bô tchwe ye tchouʼte ka woung thoʼ a ke ba tchwe ye a mi a le. Taʼ ordinateur pe tsuʼou, be o fing ne wim Watchtower Library ne. A be taʼ twôʼ mŋwaʼgne tchum mesing be a ghe medou mŋwaʼgne môk, ba taʼ ywe ne doʼgne tcheng potse be kwite ne tcheng ywe ne taʼ tse ghôm, taʼ djè ghôm, ke ba ne taʼ khè Bible le.

A kwite po msekou tchouʼte tchi ne tchwe pou a faʼ kritè. Tsuʼ ne bak mŋwaʼgne fing ne kwite o ne nyapte ne o ne tchye taʼ jeng ne tchouʼte. Mo ye é dé tchouʼte tchi ne tchwe pou a faʼ kritè a, né dé ge tsuʼ ne bak mŋwaʼgne bô pe pepoung a ke neng djak sôm mŋwaʼgne. Yu ke Kwithè ye é jiʼte Bible bou a fing ne laʼte o paʼ o fing ne yô ywe ye o si tcheng a. Daʼge pou te gô le sôm mŋwaʼgne ne tem tsuʼou pe. Pye neng tela ne takte pôpte mŋwaʼgne bô pye le neng be mŋwaʼ ywe tchum o.

Bible daʼte ge pou pe tcheng ne ‘yô jyenwe Siʼ, be a tcheng ge pou tcheng ya ‘paʼ mfuʼ be a tumgne a.ʼ (Proverbes 2:1-5) Tsuʼ ne bak mŋwaʼgne Dye Nefo fing ne kwite o ne ghe ya.

• Pou djô ma tse ne tcheng potse tchum tsuʼ ne bak mwŋaʼgne Dye Nefo?

• We fing ne kwite o ne tchente gwim tsuʼ ne bak mŋwaʼgne bô?