˗Yö ü ˈˈpiʋ̈ kö ˈü Biblö ˈgüman ˗së ˈka ˗ee? ˗Yö ü ˈˈpiʋ̈ kö ˈwɔn ˈö ˗gban Biblö ˈˈɲan ˈbha, mɛn ˈbha ɛɛnˈˈ ˗dhɛ ˈbha ˈö Biblö ˗ya ˗wɔn ꞊blɛɛ ˗a ˗bha, ˈü ˗a dɔ ˗ee? ˈBha ü ˗de dhɛɛˈˈ ˈkpɔ do ꞊dhɛ ˗Zlan ˈˈDhiwo ˗yö ꞊mɔɔn˗ ˗bha kö ˗yö ü ˗takun kö ˈü ü ˗bha ˈwɔn ˈˈgbɩɩ˗ ˗nu ˈˈɲan bhɔ ˗ee? ꞊Ya kë ꞊dhɛ ˈü˗ ˈˈpiʋ̈, ˈsëëdhɛ ˗loo ˗dhɛ ˈö ˗Bhɔkwëëkëgükɔ ˈgü, ˗yö ꞊mɔɔn˗ ˗bha kö ˗yö ü ˗takun.

Pë mɛɛnˈˈ ˗a ˈka pë ˗tiaandhö ˗nu ˗wo mü. ˗A ˗bha ꞊ya ˗kë kö Zoova ˗bha ꞊Gbɛkiö ˗nu ˗bha ˈsëëdhɛ ˈwo ü ˗wo ˈgü, ˗a ꞊gban ˈˈpɛpɛ ˈyaa ü ˗gɔ. ˈˈKɛɛ ˈsëëdhɛ ꞊vadhɛ ˈwo yö ˈˈkpɛnŋ ˗dɛɛ ˈgü, ˗wo yi ˗bha ˈsëëdhɛ ˗loo ˗dhɛ ˈö ˗Bhɔkwëëkëgükɔ ˗nu ˈgü, ˗a ˈgü. Ü ꞊mɔɔn˗ ˗bha ü ˗kpan Biblö ˗wodhiëëtakɔ ꞊va, dishiɔnɛɛ waa ˈsëëdhɛ ˗be ˈˈwɛɛ ꞊va ˗bha mü. Ü ꞊mɔɔn˗ ˗bha ˈü ˈdho mü kö ˗bhɔkwëë zü ˈyii bho ꞊köŋ ɛɛnˈˈ kö ˗bhɔkwëë ˗ya ɲën. Ɔdinatëë ꞊ya kë mü, ü ꞊mɔɔn˗ ˗bha ˈü yö kë Watchtower Library ˈka. Ɔdinatëë plogamö ˈö yi ˗bha ˈsëëdhɛ ꞊va ˈdhö˗ ˗ta, yö ˗mü. ˈSëëdhɛ ˗loo ˗dhɛ ˈö ɔdinatëë ˈgü bhë, yi ˗bha ˈsëëdhɛ ꞊vadhɛ ˗ya ˈgü. Pë ˈbha ˗ya ˈgü ˈyö mɛn ˗takun ˗wo kpö, ˈwɔn ˗gɔ ɛɛnˈˈ Biblö ˈˈɲan ˈbha ˗gɛn man ˗sü ˗bha ˈˈvaandhö.

˗Yö ˗së ꞊klaŋdhiʋ̈nën ˗nu ˈwo ˗dho bɔ ˈˈdhɛɛdhö ˗Kë Kletiɛn ˈka ˗sü waa kwa ˗bha ˗zlanwopö ˗yö ˗bhɔkwëë ˈˈtʋ̈ŋ ˈka, ˗an ˗bhaa ˈka. ꞊Ya kë ꞊dhɛ yö ˈwo nu ü ˗dhɛ, ˈü˗ ˈˈpiʋ̈ ˈü˗ baaˈˈ, ü ꞊mɔɔn˗ ˗bha ˈü ˈdho kwa ˗bha ˗Bhɔkwëëkëgükɔ ˈsëëdhɛ ˗loo ˗dhɛ ˈgü. ˗Kë Kletiɛn ˈka ˗sü waa kwa ˗bha ˗zlanwopö ˗yö ˗bhɔkwëë ˗bha ˈwɔnyëë ˈnën ˈö˗ ˗gɔ ˈˈdhiʋ̈. ˗A dua ˗mü kö ˗yö kpɔɔˈˈ mü ꞊ya kë ꞊dhɛ ˈsëëdhɛ ˗dɛɛ ˗nu ˈwo mü, ˈö ˈwo baaˈˈ ˗sü ˈka ˗së ˈka, ˗ya ˗wɔn dɔ. ˗Bhɔkwëë bhë, ˗a ˗bha ˈwɔnyëë ɛɛnˈˈ mɛn ˈö Biblö ꞊draan ü ˈˈpiʋ̈ ꞊mɔɔn˗ ˗bha kö pë ˈü˗ mɛɛnˈˈ ˗ni ˈgü bhë, ˗ya ꞊slɔɔ ˗kɔ ˗zɔn ü ˗dhɛ. ˈˈKɛɛ ü dua ˈyaa mü kö ˈü sëëdhɛ ˈbha ˈsü ˈü ˗yö ˗a ˈka ˈˈkpɛnŋ. ˗A kë ü ˈsuan ˈka kö ˈbha ˗dho ˗a shiʋ̈ˈˈ. ˈBha ˈdho pë ˗bɛn zë ˗a ˈgü.

Biblö ˗ya ˗pö ꞊dhɛ ꞊ya kë ꞊dhɛ ˈü˗ ˈˈpiʋ̈ kö ˈü “ˈwɔndɔdhe ˈö go ˗Zlan ˈˈpiʋ̈, ˗a ꞊slɔɔ”, ü dua ˗mü kö ˈü˗ mɛɛnˈˈ ꞊dhɛ “꞊sɛnŋ ˈö ˈˈsɛɛdhö, ˗a ˈdhö.” (Proverbes 2:1-5) ˗Bhɔkwëëkëgükɔ ˗bha ˈsëëdhɛ ˗loo ˗dhɛ ꞊mɔɔn˗ ˗bha kö ˗yö ü ˗takun ˗a ꞊slɔɔ ˗sü ˗bha.

• ˗Mën ˈwo˗ ꞊slɔɔ ˗Bhɔkwëëkëgükɔ ˗bha ˈsëëdhɛ ˗loo ˗dhɛ ˈgü?

• De ˈö ꞊mɔɔn˗ ˗bha ˈö ü ˗takun pë mɛɛnˈˈ ˗sü ˗bha kwa ˗bha ˈsëëdhɛ ˗loo ˗dhɛ ˈgü?