Hiɗon faalaa taskagol fii ɓeydugol ganndal Deftere Allah nden ? Hiɗon yiɗi anndude fii aaya maa fii goɗɗo, fii nokkuure maa fii goɗɗun goo ko wowlaa fii mun ka nder Deftere Allah ? Maa hara hiɗon miiji honno daaluyee Allah on wallirta on fii anndeeji mon ? Awa aree ka defte ɗen maretee ɗon ka Fottirde.

Wallay en no taskoren. No gasa on maraa defte cewɗe Seedeeɓe Yahuwah ɓen ka haala mon. Kono ka defte ɗen maretee ɗon ka Fottirde, no mari defte kese buy. No mari kadi Deftere Allah nden e haalaaji buy, saggitorde moƴƴunde e defte goo ko wallitotoo en. Hiɗon waawi huutorde si pottital ngal lanni. Si tawii ordinateeri no tawa, haray no mari ko innetee Watchtower Library. Ko porogaraam majaawo wonduɗo e defte amen buy ko mettaa gollirde, ko wallata on ɗaɓɓitugol ko faalaɗon anndude kon.

Wallitoto janngooɓe ɓen ka pottital Ngurndan e golle waajagol. On waaway gollirde ka defte ɗen maretee ɗon ka Fottirde fii hebilagol fii golle ɗe jonnaɗon ɗen. Ko ardotooɗo pottital Ngurndan e golle waajagol ngol woni fii ka defte ɗen maretee ɗon. Kanko ndaarata si defte kese no ton e si ɗe moƴƴintinaa moƴƴa. Kanko maa wonɗo on jannude Deftere Allah nden, wallay on no ɗaɓɓitiron ko faalaɗon anndude kon. Kono defte ɗen haanaa yaltineede ka Fottirde. Kadi, ko yo en danko defte ɗen hara ɗe tuunaali.

Deftere Allah nden wi’i si hiɗen faalaa heɓude “ ganndal Allah, ” ko yo en wakkilo ɗaɓɓitugol wa “ jawle suuɗaaɗe ”. (Tindi 2:1-5, TMN.) Ka defte ɗen maretee ɗon ka Fottirde waaway en wallude.

• Ko honɗun yi’etee ka defte ɗen maretee ɗon ka Fottirde ?

• Hommbo wallata on fii huutorgol ka defte ɗen maretee ɗon ?