27-ساباق
پاتشالىق سارايىنداعى كىتاپحانانى قالاي پايدالانۋعا بولادى؟
يزرايل
چەح رەسپوبليكاسى
بەنين
كايمان ارالدارى
كيەلى كىتاپ جايلى ٴبىلىمىڭىزدى تەرەڭدەتە ٴتۇسۋ ٷشىن ٴبىراز ىزدەنىس جاساعىڭىز كەلەر مە ەدى؟ بالكىم، ٴسىزدى كيەلى كىتاپتاعى قانداي دا ٴبىر تارماق، كەيىپكەر، زات نە جەر قىزىقتىراتىن شىعار. يا بولماسا: «قۇداي ٴسوزى مەنى مازالاپ جۇرگەن ماسەلەنى شەشۋگە كومەكتەسە الا ما؟»— دەپ ويلانعان بولارسىز. ەندەشە ٴبىز ٴسىزدى پاتشالىق سارايىنداعى كىتاپحانانى قولدانۋعا شاقىرامىز.
ول جەردە ىزدەنىس جاساۋعا كومەكتەسەتىن كوپتەگەن قۇرالدار بار. سىزدە ەحوبا كۋاگەرلەرىنىڭ كيەلى كىتاپقا نەگىزدەلگەن ادەبيەتتەرىنىڭ كەيبىرى عانا بار شىعار. ال پاتشالىق سارايىنىڭ كىتاپحاناسىندا سوڭعى جىلدارى شىققان ادەبيەتتەردىڭ كوبىسى ساقتالعان. سونداي-اق ول جەردە كيەلى كىتاپتىڭ ٴتۇرلى اۋدارمالارى، جاقسى تۇسىندىرمە سوزدىگى جانە انىقتامالىق كىتاپتار دا بولۋى مۇمكىن. ٴسىز كىتاپحانانى جينالىسقا دەيىن نە ودان كەيىن قولدانساڭىز بولادى. ول جەردە كومپيۋتەر ورناتىلعان بولسا، ونىڭ ىشىندە «كۇزەت مۇناراسىنىڭ كىتاپحاناسى» دا بولۋى مۇمكىن. بۇل ەلەكتروندى باعدارلامادا ادەبيەتتەرىمىزدىڭ باسىم بولىگى جيناقتالعان. ونىڭ ىزدەۋ فۋنكسياسىنىڭ كومەگىمەن قانداي دا ٴبىر ٴسوزدى، تاقىرىپتى نە تارماقتى تەز تاۋىپ الۋعا بولادى.
«ماسىحشىلىك ٶمىرىمىز بەن قىزمەتىمىز» كەزدەسۋىنىڭ وقۋشىلارى ٷشىن پايداسى زور. سىزگە تاپسىرما بەرىلگەن بولسا، ونى دايىنداۋ ٷشىن پاتشالىق سارايىنىڭ كىتاپحاناسىن قولدانساڭىز بولادى. كىتاپحاناعا «ماسىحشىلىك ٶمىرىمىز بەن قىزمەتىمىز» كەزدەسۋىنىڭ باقىلاۋشىسى جاۋاپ بەرەدى. ول سوڭعى ادەبيەتتەردىڭ كىتاپحانادا بولۋىن جانە ولاردىڭ رەت-رەتىمەن ورنالاسۋىن قاداعالاپ وتىرادى. ول يا بولماسا سىزبەن كيەلى كىتاپ زەرتتەۋ ساباعىن وتكىزەتىن باۋىرلاس قاجەتتى مالىمەتتى قالاي ىزدەۋ كەرەكتىگىن كورسەتىپ بەرە الادى. الايدا سونداعى كىتاپتاردى پاتشالىق سارايىنان الىپ كەتۋگە بولمايدى. سونداي-اق كىتاپتارعا جازىپ، سىزۋعا بولمايتىنىن جانە ولاردى ۇقىپتىلىقپەن ۇستاۋ كەرەكتىگىن دە ەسكەرگەن ٴجون.
كيەلى كىتاپتا ايتىلعانداي، «قۇداي تۋرالى ٴبىلىمدى تابۋ» ٷشىن ونى «جاسىرۋلى قازىناداي» ىزدەۋگە ىقىلاسىمىز بولۋ كەرەك (ناقىل سوزدەر 2:1—5). پاتشالىق سارايىنىڭ كىتاپحاناسى سىزگە وسىنداي ىزدەنىس جاساۋعا كومەكتەسە الادى.
-
پاتشالىق سارايىنىڭ كىتاپحاناسىندا ىزدەنىس جاساۋعا كومەكتەسەتىن قانداي قۇرالدار بار؟
-
كىتاپحانانى ٴتيىمدى پايدالانۋ ٷشىن كىمنەن كومەك سۇراي الاسىز؟
