Wenaku watombatomba mu kurisa nzayulu’aku ya Bibila? Tsikapu, muntu, mbuka, peleko diambu dimoshi zololo watomo bakula? Peleko yula tatiyula talati Zu dia Nzàmbi dilenda kubakisa mu diambu ditakulungusu e? Buna tsisarila biblioteke ya Nzo ya Kimfumu.

Mikanda na bima biakaka bilenda kubakisa mu tombatomba bie muna. Kampe, kawena na mikanda mia Bibila miamiansoni mia Mbangi za Yehova mu zu diaku ko. Kâ mu biblioteke yô mikanda kampe miamiansoni miamôna muna miena. Mulenda ba mpe Bibila za mbangululu za mpila na mpila, diksionere na mabuku makaka mô malenda kusarisa mu tombatomba. Lenda sarila biblioteke yô tekela lukutakanu lwabatsika mpe ha manima.Talatsi ordinatere ye muna, buna yilenda ba na Watchtower Library. Programe ya ordinatere yena yê na mpila zazingi za mikanda mieto mpe kayena mpashi ko mu sarila mu tombatomba tsimoko, diambu peleko versè moshi.

Milongoki mia Lukolo lwa Tsisalu tsia Teokrasi yisarisaka. Talatsi watsonama ku lukolo lwango, lenda sarila biblioteke ya Nzo ya Kimfumu bô mbokubikaka bimoko bio bibakuheni. Munkengi wa Lukolo tarilaka samu mia biblioteke yô. Ni yandi we na tsiyeko tsiasa ti mikanda miamiansoni miamôna miaba mô mpe miaba miakutama. Munkengi wango peleko Mbangi yô yilongokaka naku Bibila lenda kusongela kabwe lenda tombela diambu dio dienaku nsatu. Kâ kani buku dimoshi kadilendâ diaduka ko mu Nzo ya Kimfumu. Mpe tuzololo tabika mabuku niderede mpe katusandi mo bidimbu.

Bibila ebu yitele ti mu “baka nzayulu ya Nzàmbi,” tufweti tambula mu dinga yo ntsiana mbobadingaka “bimvwama biaswamana.” (Bingana 2:1-5) Biblioteke ya Nzo ya Kimfumu yilenda kusarisa mu batika mu dinga nzayulu yô.

• Ntsia bima bisarisaka mu tombatomba bie mu biblioteke ya Nzo ya Kimfumu e?

• Nâ lenda kubakisa mu tomo sarila biblioteke yo e?