Ii loa naa i wɔ̃ mɛi naa kɛɛ i ɓa gikã la kpɔ Baabo yi? Kea ɓaa naa kpokpo ɓo i Baaboa lɛ do yima e daá mia wa lɛ ɛ̃ɛ̃ pɔɔ ni lɛ Baabo e wɔ̃ gee e gbɛ̃a o mɔɔ wɔ̃ yi dɔ? Zeniia, ɓaa i yɛlɛtaa do kelɛ Wala Lewe lɛɛ bɛi gbũu i mɔ i zo pie wɔ̃ ka? E kɛa lɛ kilia, ii bɛi loo kiikaapia lɛ e Tomiala Ka wia lɛ mɔ.

Pɔɔ ni lɛ o gbũ i mɔ wɔ̃ mɛi naa wɛ̃ĩa lɛ yi. Luo do kaa, Zihova la Kela vɔ wa Baabo zɔ̃ɔpɔɔ vɔɔ seĩ wa i kɛlɛ i pa we yi. Kɛɛ pɛzɔ̃ɔpɔɔ vɔ kɛɛzɛ dɛɛ bunuzɛ lɛ kiikaapia lɛ e Tomiala Ka wia lɛ mɔ. Baabo la niɛzɛ gbɛɛgbɛɛ wa weyiɓo kii kpeĩ e daá gbumɔ nɔ kii gbɛɛgbɛɛ baa lɛɛ bɛi kɛɛ yi nɔ kili. Ii bɛi loo kiikaapiaa mɔ kɛ pakiemɔ e tĩa gbɛ̃ɛ̃ ɛ̃ɛ̃ ye pakiemɔ aa nyɛɛ ka. E kɛa kɔ̃pitɔ lɛ yia, Watchtower Library lɛ e kiikaapia kaa lɛɛ bɛi kɛɛ a la. Watchtower Library e kilia yia, ko pɛzɔ̃ɔpɔɔ vɔɔ, bunuzɛ nyaapaa lɛ yi. Yɛɓo kɛ̀ a ka lɛ lɔɔlɔɔ. Lɛɛ gbũ i mɔ kɛ i i nyiɛ kpɔ wɔ̃ wũ wa Baabo wekpo e daá we ni lɛ ɓa naa ɓa yimaa ba.

Lɛ yɛɓo kɛa pɛ kpeĩ ka mia lɛ o Life and Ministry Meeting mɔɔ wɛ̃ĩ. Ii bɛi yɛɓo ni lɛ a yaa lɛ i kɔlaa pɛkɛɛ kiikaapia lɛ e Tomiala Ka wia lɛ mɔ. Life and Ministry Meeting lie si mi lɛ lɛ kiikaapiaa wũlaa. A ye lɛ laa mɔ a kɛ pɛzɔ̃ɔpɔɔ vɔ dɛɛdɛɛ nia o kɛ yia. A ye ɛ̃ɛ̃ ɓa Baabo zɔ̃ɔ̃ mi lɛɛ bɛi gbũu i mɔ kɛ i zi i bɛi pɛ ɓa naaa gɛ̃ a kaa zɔ̃ɔ̃ i lɛɛ. E kɛ bɛ̃ɛ̃ kilia, ye wa mɔ mi e kii nɔɔfe si e loa pɛlɛzei. A mɔɔ wɔ̃ mɔɔ, laa mɔ ko kiia kũ sɛ ɛ̃ɛ̃ yekɛ ko pɛ pie nɔɔfe kɛ a yi.

Baaboa a gee kelɛ kɛ “ko Wala dɔɔ,” laa mɔ ko zo e weea mɔ ko a naa lɛ “pɔɔ kpanazɛ lɛ a bĩĩ lɛɛ lɛ ɓe.” (Pɔlɔvɛɛ 2:1-5, NW) Kiikaapia lɛ e Tomiala Ka wia lɛɛ bɛi gbũu i mɔ kɛ ɓa zi gbɛ̃.

• Wɔ̃ mɛi naa pɔɔ kpɛɛ lɛ o ɓe kiikaapia lɛ e Tomiala Ka wia lɛ mɔ?

• De e bɛi gbũu i mɔ kɛ i yɛɓo kɛ, pɛzɔ̃ɔpɔɔ vɔ lɛ o kiikaapiaa ka?