Diyin God Bizaad hazhóʼó nideishkahgo ląʼígóó baa íhwideeshʼááłísh nínízin? Diyin God Bizaad biiʼdę́ę́ʼ saad łaʼ haadzogo, diné łaʼ da, ádahoolyéegi, doodaiiʼ baa chʼídahwiistʼánígíísh łaʼ baa íhwidííłʼááł nínízin? Doodaiiʼ bee nichʼįʼ anídahwiiztʼiʼígíí God Bizaad biiʼdę́ę́ʼ daatsʼí níká adoolwołísh nínízingo baa nitsíníkees łeh? Áko lą́ą Kingdom Hall naaltsoos wóltaʼ bá hazʼánígi díínááł.

Ákweʼé bee niʼdoolkahígíí nihá hólǫ́. Diyin God Bizaad biiʼdę́ę́ʼ naaltsoos nizaad kʼehjí Jiihóvah Yá Dahalneʼé ádayiilaaígíí dooshı̨́ı̨́ tʼáá átʼé neihólǫ́ǫ da. Ndi Kingdom Hall naaltsoos wóltaʼ bá hazʼánígi éí ląʼígo ániid diyin kʼehgo naaltsoos ánáádaalyaaígíí biiʼ dahólǫ́. Áádóó ałdóʼ Diyin God Bizaad díkwíigoda ałʼąą ádaatʼéego ádaalyaaígíí naaznil. Naaltsoos baa áhódlíigo saad bee siʼánígíí, dóó łahdę́ę́ʼ naaltsoos bee niʼdoolkahígíí ałdóʼ ákweʼé sinil. Áłah náʼádleeh bikéédóó doodaiiʼ tʼáá bilą́ąjįʼ da naaltsoos wóltaʼ bá hazʼánígi choidííłʼįįł. Béésh bee akʼeʼelchíhí tʼáá bí nitsékeesígíí łaʼ hólǫ́ǫgo éí Watchtower Library biiʼshı̨́ı̨́ hólǫ́ éí ląʼí naaltsoos ádeilyaaígíí dóó doo nanitłʼagóó bee háʼdéestʼı̨́ʼígíí biiʼ hólǫ́. Áko díí bee baa íhozhdoołʼáłígíí dóó saad łaʼda, doodaiiʼ Diyin God Bizaad biiʼdę́ę́ʼ saad łaʼ haadzogo bee hádídííʼįįł.

Iiná dóó Naʼnitin biMeeting éí daʼółtaʼii bíká anáʼáwoʼ. Díí óltaʼ anítahgo bindíílnishígíí łaʼ naandítʼáahgo éí Kingdom Hall naaltsoos wóltaʼ bá hazʼánígi hazhóʼó choiníłʼı̨́įgo níká análwoʼ doogo átʼé. Iiná dóó Naʼnitin biMeeting yikʼidéezʼı̨́ʼígíí naaltsoos wóltaʼ bá hazʼánígi yaa áhályą́ągo naaltsoos ániid ánáá daalyaaígíí ákweʼé hólǫ́ǫgo dóó hazhóʼó yisnilgo áyósin. Díí doodaiiʼ Diyin God Bizaad yee nanitinígíí haʼátʼííshı̨́ı̨́ shił bééhodoozįįł nínízingo éí nichʼįʼ ííshjání íidoolííł. Ndi, díí naaltsoos dawóltaʼígíí éí Kingdom Halldę́ę́ʼ doo chʼéhájááh da dóó baa áháyą́ doodaiiʼ doo biiʼ naʼadzo da.

Diyin God Bizaad ił halneʼgo ání “Diyin God átʼéegi bééhodíísįįł,” éí “yódí néesʼı̨́įʼii házdéezʼı̨́ʼígi átʼéego” tʼáá nihí ániitʼéego hadíníítaał. (Proverbs 2:1-5) Kingdom Hall naaltsoos wóltaʼ bá hazʼą́ągi áádóó haʼdííłkahgo níká adoolwoł.

• Kingdom Hall naaltsoos wóltaʼ bá hazʼánígi haʼátʼíishąʼ bee niʼdoolkahígíí da hólǫ́?

• Naaltsoos wóltaʼ bá hazʼánígi hazhóʼó choidííłʼįįłgi háísh níká adoolwoł?