¿Peena Dxus eçte jiyun uꞌjwega? ¿Maa versiculosga peena jiyu wẽje, wejxkwe jxthuhtesaꞌs Dxus eçte weꞌwsaꞌs? ¿Idxa thẽysa jiꞌphun ũsçxa, yapaapẽyga Dxus eç puꞌçxhya ãjaꞌmaakh? Idx ũu jiiçxa uꞌjya ãjaꞌnega txãa bibliotecate Dxus jxkaahwaꞌjaꞌs weꞌwni yatte.

Txãa biblioteca wala ewsa piyawa jiꞌphna. Meeçxaꞌ eç jiimeewaga Jeuwa kajiyusa vxitnisa idx yuwete, açyuꞌ txãa bibliotecate Dxus jxkaahwaꞌjaꞌs weꞌwni yatte uyunega. Kxtee yũu fxiy fxiysa Dxus eç jiꞌphna, kxtee yũu diccionario wala ewsa jiꞌphna, vxite eç piyawaꞌj. Idxa thegya uꞌjya ãjaꞌnega pkhakheni kaseꞌjniyãju meeçxa takhmeeina. Kxtee çaam fxiꞌjnisa jiꞌphte uꞌkayã ãjaꞌnega Watchtower Libraryte, kxtee yũu jxuka eç fxiꞌjni jiꞌphna maꞌwsawa.

Wala selpiisana pkhakhen piyan ũssatxis Cristoꞌs selpiin ĩtxĩ fxiꞌzeniꞌs. Txãa biblioteca Dxus jxkaahwajaꞌs weꞌwni yatte ũssaꞌs, idxa kxtee thegya ãjaꞌnega puꞌçxhkhan nasa ksxaavxite phewuꞌjçxa weꞌwkhan. Txãa pkhakhenisate cristoꞌs selpiin ĩtxi fxiꞌzesaꞌs teeçx thẽꞌjsane thegu. Txãa piyani yatsu puꞌçxhsa thẽꞌjweꞌsx paatheguꞌjutx, txãa igx kaapiyasa puꞌçxhna maꞌw yũuyãwatewa. Txãa Dxus jxkaahwaꞌja weꞌwni yatte kĩhwa eçtxis jxũuçxa uꞌjya ãjaꞌmeenekwe, vxiteꞌ sutxya ãjaꞌmeenekwe.

Dxus eç naꞌjĩk Dxus jii yũuniꞌs uy wẽçxa, vxu beh nawku pakwe kaahjaꞌ (Proverbios 2:1-5). Txãa Dxus jxkaahwaꞌjaꞌs weꞌwni yatte txãa bibliotecate iꞌkweꞌsxtxis puꞌçxhina kĩh pakweyatewa.

• ¿Kĩh ewsa jiꞌphkx txãa biblioteca?

• ¿Kim puꞌçxhi ãjaꞌtxkx txãa bibliotecate paaywaꞌjaꞌs?