¿Munanquiman astaan yachayta Biblia nisckanta? ¿Munanqui astaan yachayta suj huauckemanta o suj panamanta y sujcunasmanta ima ñaupapi causarancu, suj lugar o suj imastis Biblia nisckanta? ¿Tapunacoranqui si Yáyap ’Rimaynin yanapasuyta atin, allichayta huaquin problemas ima ckam apiptiyqui? Si ari contestanqui, convienesun bibliotecapi Huasi tantacunasmanta mascayta.

Bibliotecapi ashca yanapas estudiáypaj tárej ’rinqui. Si mana apinqui túcuy publicaciunes ckalluyquipi ima Jehóvap testigusnin ’ruarancu, bibliotecapi Huasi tantacunasmanta tariyta atinqui ashca librus, folletus, revistas mósoj ’ruasckas. Astaanpas ashca layas Biblias, dicionarius y sujcuna librus. Chaycunatapas utilisayta atinqui manáraj tantacunas ckallariptin o tantacunas puchucaptin. Si suj computadora tían, churascka apiyta atin suj programa Watchtower Library huajyascka, ima apin suj parte importante publicacionesniycumanta y sensillitu can mascáypaj temas, palabras o versiculosta.

Súmaj yanapa can tantacunápaj Vida y Ministerio Cristianos. Ckam aprovechayta atinqui bibliotecamanta ima Huasi tantacunasmantapi tían, informaciunta sorckóypaj y asignaciunniyquita preparáypaj. Yacháchej tantacunamanta Vida y Ministerio encargascka can túcuy revistasta, folletusta y sujcuna publicacionesta apinanta y alli ordenasckas tianancuta. Pay o yachachejniyqui yachachisonckancu imaina informaciunta ima presisanqui tariyta. Yuyaylla ima mana permitiscka tían, sorckoyta librusta bibliotecamanta huasiyquiman apáypaj; cuidanayqui tían y mana chaypi escribiyta.

Biblia nin ima «Yáyap yachayninta» taríypaj, dispuestus tianaycu tían mascáypaj «tesorus pacasckas ina» (Proverbios 2:1-5). Bibliotecapi Huasi tantacunasmanta can suj súmaj lugar maypi mascas ckallariyta atinqui.

• ¿Ima yanapas estudiáypaj bibliotecapi Huasi tantacunasmanta tariycu?

• ¿Pi yanapasuyta atin bibliotecata allít utilisayta?