¿Bibliamanda mas yachanara munanguichu? ¿Bibliaibi yachachiushca runaunamandas, paiguna maibi causashca llactaunamandas, maican versogunamandas mas yachanara munanguichu? ¿Bibliaga can turmindus charishcaunara ahuantangaj yanapana ushanzhu? Yachanara munashaga Reinomanda Yachana Huasii tiaj bibliotecama rina angui.

Bibliotecai alira yachangahua ashca libroguna tian. Camba shimii Jehovahuaj testigoguna llucchishca quillcaunara mana charishaga bibliotecai tupanguimi. Huaquimbiga caran tunu Bibliaguna tian. Shinallara diccionarioguna, shujta librogunas tianmi. Tandarina manara callarijllaira, tucurishca huashas bibliotecama llutarina ushangui. Computadora tiajpiga, Watchtower Library nishca programa yanapanmi Bibliamanda yachachishcaunara, versogunara, maican shimiunaras uctalla tupangahua.

“Jesús rashcasna catisha causashunchi” nishca tandarina yachaujcunara ashca yanapan. Jesús rashcasna catisha causashunchi nishca tandarinai cuiraj huauqui chi Bibliotecai mushuj pajtamuj quillcauna tiachu, shinallara sumaj alichishca achumbas ricun. Chi huauqui, canda yachachijpas can ministishcara tupangahua yanapai ushanun. Bibliotecai tiaj librogunara cuiranami anchi, mana rayanachu anchi. Chi librogunara, ama apanguichu.

Biblia yachachishcara yachana munashaga, curira mascaj cuinta mascanami an (Proverbios 2:​1-5). Reinomanda Yachana Huasii tiaj bibliotecai Biblia yachachishcara mascana ushangui.

• Reinomanda Yachana Huasii tiaj bibliotecai ¿imara tupashun?

• Bibliotecai yachachishcaunara tupangahua ¿pita canda yanapai ushan?