Сиз Мукаддес Язгылара чуңңур дүшүнмек үчин гөзлег гечирмек ислейәрмисиңиз? Белки-де, сизи белли бир аят гызыкландыряндыр? Я-да сиз Мукаддес Язгыларда агзалян бир адам, юрт я-да кәбир затлар барада көпрәк билесиңиз гелйәндир? Әхтимал, сиз кынчылыклара дөз гелмек үчин Мукаддес Язгылардан маслахат гөзлейәнсиңиз? Онда Патышалык залының китапханасына хош гелдиңиз!

Гөзлег гечирмәге көмек эдйәр. Белки-де, сизиң эне дилиңизде Ехованың Шаятларының чап эден эдебиятларының кәбири ёкдур. Эмма Патышалык залының китапханасында тәзе эдебиятларың хеммеси бар. Шейле-де китапханада Мукаддес Язгыларың дүрли терҗимелерини, сөзлүклери ве башга-да пейдалы эдебиятлары тапып боляр. Сиз олары йыгнакдан өң я-да соң аркайын уланып билерсиңиз. Сизиң Патышалык залыңызда компьютер бар болса, онда оңа «Ехованың Шаятларының электрон китапханасы» хем гойландыр. Бу компьютер программасында бизиң эдебиятларымызың улы йыгындысы бар. Сиз ол аркалы белли бир тема, сөзе я-да аяда дегишли маглуматы аңсатлык билен тапып билерсиңиз.

Вагыз мекдебинде берлен юмша тайярлык гөрмәге көмек эдйәр. Эгер сизе Вагыз мекдебинде юмуш берлен болса, онда Патышалык залының китапханасындан аркайын пейдаланып билерсиңиз. Бу китапхана Мекдеп гөзегчиси җогапкәрдир. Ол китапханада тәзе эдебиятларың болмагына ве тертипли дурмагына гөзегчилик эдйәр. Мекдеп гөзегчиси я-да сизе Мукаддес Язгылар окувыны гечйән вагызчы герекли маглуматы нәдип тапмалыдыгыны гөркезип билер. Эмма китаплары өйүңизе алып гитмәге ругсат берилмейәр. Шейле-де китаплары аявлы уланмалы ве олара хич хили беллик этмели дәл.

Мукаддес Язгыларда Худай барадакы билими «гизлин хазына» кимин гөзлемелидиги айдыляр (Сүлейманың тымсаллары 2:1—5). Патышалык залының китапханасы сизе шейле гөзлеги гечирмәге көмек эдер.

• Патышалык залының китапханасында гөзлег гечирмек үчин нәме затлар бар?

• Сизе китапханадан пейдаланмага ким көмек эдип билер?