Wakugondeze kukora okuseruliriza kwongera haby’omanyire kuruga omu Baibuli? N’ohu’ra n’ogonza kwongera kwetegereza ebintu ebimu ebirukukwata ha muntu omu, ekyahandiikirwe, ekiikaro, rundi ekintu kyoona ekibazibwaho omu Baibuli? Orakitekerizeeho ngu Ekigambo kya Ruhanga kisobora kukukonyera oine ekizibu? Obu kiraaba kiri kityo, twara omugisa kukozesa elyahurro ly’ekitebe.

Harumu ebitabu biingi ebirukusobora kutukonyera nituseruliriza. Osobora kuba otaine ebitabu byoona ebiturukiibwe Abakaiso ba Yahwe omu rulimi rwawe. Kyonka elyahurro ly’ekitebe libamu ebitabu ebirukukira obwingi ebyakateerwa. Nihasobora n’okuba harumu empindura za Baibuli ez’enyahukana, dikisonare, n’ebitabu ebindi. Osobora kukozesa elyahurro eryo enso’rokano zitakatandikire rundi zihoire. Obuhaba harumu kompyuta, esobora kuba eroho puroguramu ya Watchtower Library. Puroguramu enu ebaho ebitabu byaitu biingi muno kandi eyanguhire kukozesa. N’osobora kugikozesa n’oseruliriza ha kintu kyoona gamba nk’ekigambo rundi ekyahandiikirwe okakizoora omu bwangu.

Likonyera abeegi omu ru’sorokano rwaitu orw’Obwomeezi n’Obuheereza Bwaitu nk’Abakristaayo. Obworaaba oine ekicweka, osobora kukozesa omugisa gunu kukozesa elyahurro ly’ekitebe n’otekaniza ebicweka byaawe. Ow’oruganda akora ha by’isomero nuwe arukujunanizibwa habw’elyahurro linu. Najunanizibwa kurora ngu ebitabu byoona birumu kandi bitekaniziibwe kurungi. Uwe rundi ogu arukukwegesa Baibuli basobora kukwoleka omulingo gw’okulikozesaamu. Kyonka, busaho kitabu kyoona ekiina kwihwa omu lyahurro linu. Ebitabu by’elyahurro bisemerire kukwatwa kurungi tutakubihandiikamu rundi kubiiraguza.

Baibuli egamba ngu obu turaaba nitugonza kwetegereza ‘okumanya Ruhanga,’ twina kuba twetegekere kukuserra ‘nk’eby’itungo ebyaserekerwe.’ (Enfumo 2:1-5) Elyahurro ly’ekitebe lisobora kukukonyera omu kuseruliriza oku.

• Bintu ki ebiswangwa omu lyahurro ly’ekitebe ebitukukonyera kuseruliriza?

• Nibaha abarukusobora kukukonyera n’ogonza kukozesa elyahurro ly’ekitebe?