Библияны оон-даа эки билип алыр дээш, кандыг-ла бир теманы шинчилээрин күзээр-дир силер бе? Чок болза бир-ле библейжи шүлүк силерни сонуургадып турар бе? Азы Библияда бижээн кандыг-бир кижиниң, хоорайның азы бир-ле чүүлдүң дугайында хөйнү билип алыксаар-дыр силер бе? Хууда бергелериңерни шиитпирлээринге библейжи арга-сүме хереглеп турар силер бе? Ындыг болза Хурал залының библиотеказынче моорлап көрүңер.

Шинчилел кылырынга чугула херексел. Иегованың Херечилериниң үндүрген дептерлериниң чамдыызы силерниң төрээн дылыңарда чок болза хөңнү. Ынчалза-даа олар Хурал залының библиотеказында бар бооп чадавас. Библиотека үргүлчү чаартынып турар. Бистиң дептерлеривистен аңгыда оон Библияның аңгы-аңгы очулгаларын, сөстүктерни болгаш энциклопедияларны тып ап болур. Библиотека ужуражылгаларның эгезинде-даа, төнчүзүнде-даа ажык турар.

«Чуртталгавыс болгаш бараалгалывыс» деп ужуражылгада өөренип турар улуска дыка улуг дуза. Бир эвес даалга белеткээр дээн болзуңарза, Хурал залының библиотеказын ажыглап болур силер. «Чуртталгавыс болгаш бараалгалывыс» деп ужуражылганың хайгааракчызы азы силерниң-биле Библия өөренип турар кижи хереглээн информацияңарны канчаар тып алырын көргүзүп берип болур. Хурал залының библиотеказындан номнарны үндүрүп база шокарлап болбас. Номнарны камнаар херек.

«Бурган дугайында билигни тып аар» дээш, ону «эртине-байлак шыгжаан черни дег», истеп дилээр болза эки деп Библияда бижээн (Чугаалар 2:1—5). Хурал залының библиотеказы ындыг дилээшкиннерни эгелеп алырынга силерге дузалаар.

• Хурал залының библиотеказындан чүнү тып ап болурул?

• Библиотеканы канчаар ажыглаарын силерге кым көргүзүп берип болурул?