გოკონანო, უმოს ტომბაშე გიჩქუდან ბიბლია? გოინტერესნანო ბიბლიაშ ნამთინე მუხლიშ მნიშვნელობაშ გაგება, ვარდა ბიბლიაშ ნამთინე პერსონაჟიშ, გეოგრაფიულ ადგილიშ დო ისტორიულ ამბეშ გურშენ ინფორმაციაშ მეღება? ვარდა შილებე გოკოდან თიშ გაგება, მუჭო მიგეხვარებნა ღორონთიშ სიტყვა თქვან პრობლემეფიშ გინოჭკირუას. თაშ ქორენ-და, ქიმიაკითხეთ სამეფო დარბაზიშ ბიბლიოთეკას.

ბიბლიოთეკას რკვიება-გორუაშო საჭირო ბრელ საშუალება რე. ალბეთ, ვაიღუნა თქვან ნინაშა იეჰოვაშ მოწმეეფიშ გიშაშკუმალირ ბიბლიაშა გერსხილ არძა პუბლიკაცია. მარა სამეფო დარბაზიშ ბიბლიოთეკას თითქმის არძა ახალ პუბლიკაცია რე. თექ ბიბლიაშ შხვადოშხვა თარგმანი, ლექსიკონეფი დო რკვიებას მიმეხვარებნან ფერ შხვა პუბლიკაციეფი ხოლო რე. თქვა შეილებნა გიმირინუათ ბიბლიოთეკა კრებაშ შეხვალამაშ დოჭყაფაშა ვარდა თებაშ უკულ. ბიბლიოთეკას კომპიუტერი ქორენდ-და, ალბეთ, „საგუშაგო კოშკიშ ბიბლიოთეკა“ ხოლო იჸუაფ ინოჭარილ. თე ელექტრონულ ბიბლიოთეკათ შეილებნა ადვილო დოგორათ ინფორმაცია გოკონან ფერ თემაშე, სიტყვაშე ვარდა ბიბლიურ მუხლშე.

ბიბლიოთეკა არძაშ უმოსო თეოკრატიულ სკოლაშ მაგურაფუეფს ოხვარუ. თე სკოლას ქორეთ ინოჭარილ-და, შეილებნა გიმირინუათ სამეფო დარბაზიშ ბიბლიოთეკა, თეოკრატიულ სკოლაშო დავალებაშ მოხაზირებაშ დროს. ბიბლიოთეკას სკოლაშ ზედამხედველი აქციენს ყურადღებას. თინა პასუხიშმგებელ რე, ნამდა ბიბლიოთეკა დონწყილ რდას დო არძა ახალ პუბლიკაცია თაროეფს გილაძდას. თეოკრატიულ სკოლაშ მასწავლებელ ვარდა თინა, მით ბიბლიას გოგურუანა, გეინწყუნა, მუჭო შეილებნა ბიბლიოთეკას გოკონა ფერ ინფორმაცია დოგორათ. სამეფო დარბაზიშ ბიბლიოთეკაშე პუბლიკაციეფიშ ღალა ვეშილებე. მუშო ოკო რაგად, ჩქი ვეგლვუოლუანთ წიგნეფს და ვართ ფხაზუნთ.

ბიბლია იჩიებუ, ნამდა ღორონთიშ გურშენ რჩქინა მიბღათინ თიშო, თინა ტყობინაფილ განძცალო ოკო ბგორათ (იგავები 2:1—5). თეცალ გორუაშო სამეფო დარბაზიშ ბიბლიოთეკა მიგეხვარებნა.

• რკვიება-გორუაშო საჭირო მუ საშუალებეფი რე სამეფო დარბაზიშ ბიბლიოთეკას?

• მი მიგეხვარებნა, ბიბლიოთეკა მუთ შილებე ჯგირო გეგმირინუათინ?