Ya ŋwɛ̂lii à gɛ́ɛ I mɛni támaa maa-kɔ́ri Ŋâla-kɔlɔi su? Ǹûai, daa-ŋai, kpaa m̀ɛni-ŋai Ŋâla-kɔlɔi è lóno é pîlaŋ diai, ya ŋwɛ̂lii I mɛni maa-kɔ́ri é pîlaŋ dîa? E tee nyíti ma, ɣâla-kɔlɔ kpua ta káa naa nyii ya ŋwɛ̂lii I mɛni támaa maa-kɔri é pîlaŋ ma? Kpaa máŋ, ya ta íkili ŋa sia à kɛ̀ Ŋâla-kɔlɔi a pɔri kpɔnîi yá I mɛni-kpɛtɛɛ-ŋai da ílii-too-pôlu mɛni-ŋai su? À kɛ̀ ya ŋwɛ̂lii kpɔ́ I m̀ɛni-ŋai ŋí kɔ́lɔŋ, gɛ̀ ní, lí gɔlɔ maa-kɔ́ri lûmui su Gâloŋ-laa Pɛ́rɛi mu.

Ɣâla-kɔlɔ maa-kɔ́ri kɔlɔ támaa káa naa. Tãi ta ŋâla-kɔlɔ-kpua-ŋai nyii Ziova Ŋɔsêre-faa kɛ́-ɓelai daâ bɔ̃yɛi ísîi-wooi sui gélee fé íyéeì. Kɛ́ɛ, kɔlɔ támaa [nina da bɔlɔ-ŋa] díkaa gɔlɔ maa-kɔ́ri lûmui su Kúkâloŋ-laa Pɛ́rɛi la. E tee nyíti ma, Ɣâla-kɔlɔ takpɛ́ni-ŋa, woo-sukula-kɔlɔ da kɔlɔ maa-kɔ́ri kɔlɔ támaa káa naa. Ya pɔri liî kɔlɔ maa-kɔ̂rii gɔlɔ maa-kɔ́ri lûmui su kúkoyâŋ kɔ́ɔ e lɛɛ pîlanii kpaa máŋ goyâŋ kpɛɛ ŋá. Nyaŋ à kɛ̀ ŋɔŋ-kɔlɔ-pɔ̃yɛ kɔlii káa gɔlɔ maa-kɔ́ri lûmui su, gɛ̀ ní, da Watchtower Library pu ma. Nyíŋi káa a ŋ̀ɔŋ-kɔlɔ-pɔ̃yɛ kɔlii ŋɔpro­gram da nyii kúkɔlɔ-ŋai dámaa káa zui. Nyaŋ a kpɔŋ maa tɛɛ núu pɔ́ à gɛ́ɛ é mɛni-ŋuŋ, wóo da ɣâla-kɔlɔ-kpua kɔ́ri a maa félaa.

A Kpɔŋ maa tɛɛ ǹûai pɔ́ díláa káa Kôrai-ɓela Díkɛɣeniɛi Da Díɣâla-woo-ɓo Tíi mɛni mai ma. Ya pɔri liî gɔlɔ maa-kɔ́ri lûmui Gâloŋ-laa Pɛ́rɛi mui, su a tãi kélee da lono tɛɛ lai ípɔ à gɛ́ɛ I ílonoi kpɛtɛ [I bɔ̃yɛ]. Díkɛɣeniɛi Da Díɣâla-woo-ɓo Tíi mɛi-nuui ɓé gáa a gɔlɔ maa-kɔ́ri lûmui mɛi káa nuu. Ŋɔtíi ɓai à gɛ́ɛ e gɛ dí gɔlɔ ninai kélee da dɛɛ kôrai-toli-kpɔŋ su ta laai kɛ gɔlɔ maa-kɔ́ri lûmui su. Nya ɓé a ŋɔ́nɔ gɛ à gɛ́ɛ dí gɔlɔ-ŋai laa pere kpɛtɛ gɔlɔ maa-kɔ́ri lûmui su. Ǹyaa kpaa ǹúui Ŋâla-kɔlɔi ŋá-lɛ́i yai a pɔ́ri berei lɛ́i ya, ɓa pɔri kɔlɔ maa-kɔ̂rii la gɔlɔ maa-kɔ́ri lûmui su. Kɛ́ɛ, maa fé nɛ̃ɛ ní à gɛ́ɛ núu ta e kɔlɔ ta kula gɔlɔ maa-kɔ́ri lûmui su e lí la kwa ta kpɛ́ni ma. E tee nyíti ma, maa nɛ̂̃ɛi kú gɔlɔ-ŋai soŋ a nɛ́lɛɛ, núu ta fé kɔlɔ pɔ̃yɛ da su kpaa máŋ e gɔlɔ pɔ̃yɛi ta mulaa.

Ŋâla-kɔlɔi è mò nyɛɛ, à gɛ́ɛ núu e “táre Ɣâla maa mɛni su” fɛ̂ɛ é gɔri yɛ̂ɛ berei nûa da “tɔɔ-sãa sɔ̃ɔ kpanaŋɔɔ kɔ́ri lai nyii gáa loo-perei.” (Táre-woo-ŋa 2:1-5) Gɔlɔ maa-kɔ́ri lûmui Gâloŋ-laa Pɛ́rɛi mui a pɔ́ri kpɔŋ maa tɛɛi ípɔ nyíŋi kɛ́i.

• Lé kɔlɔ maa-kɔ́ri kɔlɔ-ŋa ɓé gɔlɔ maa-kɔ́ri lûmui su Gâloŋ-laa Pɛ́rɛi mui?

• Gbɛ̂ɛ ɓa pɔri kpɔŋ maa tɛɛi ípɔ kɔlɔ maa-kɔ̂rii gɔlɔ maa-kɔ́ri lûmui sui?