Tè o si nkông-ô wou a léfa’ émô’ métsoo ndôk nku’nè azhènou jou anè Biible? Tè o si ntsaa wou a lé tswhi njou’ émô’ méleung Biible, nzeung nzhè mô’ gning, kèè méji’ mbô émô’ métsoo ndè’è mi é nteu Biible? Kèè o si nkông-ô wou a lézhè pa’ ashoung-nè Ndem a ghô kuitè wou anè mô’ nguengue zi o nteu wou? Lèè ngueô a nteu bibliotèk yi a nguia atchou’té.

A wuè tsitsi mbông a lélôk nzi’nè Biible. Mè fa’a mbông-ô, mbô o té wè nkwa mékèté mi Ménjheuè-njiô Joovah é lé fôk anè ashoung-né ala’ jou. Bibliotèk yi a nguia atchou’té a ping ngwè mékèté swhi. A ghô zeung ngwè mébiible ntsi-ntsi, ngheuè mbông diktionnèr mbô émô’ mékèté mi é kuité tè’. A ghô yi o kông, mbô o ghô lôk mékèté mi é nteu bibliotèk mèt ngôk afœu’ zi atchou’té a zèè té zii, mbô afœu’ zi a mii. Mbing ngô yi ta’ ordinatèr a éwou, mbô a ghô wuè Watchtower Library; a si ngô mô’ tsitsi yi a wè mékèté mimpè tè é zaané mbing nzang-né a lélôk fa’ azou mbô mô’ léleung Biible.

A kuité méghang assikou a lépètè Réunion Vie chrétienne et ministère. Tsitsi bibliotèk nguia atchou’té a ghô kuitè wou a lépètè afa’ assikou zi mè tseukné a mbou wou. Nfènè yi a gheuè atangté Réunion Vie chrétienne et ministère mè zeung ntchiitè a bibliotèk yi a nguia atchou’té. A neung mékèté swhi a nteu éwou, mbing nzeung ntshiè akœuè-kœuè anè aji’è zi. Yi kèè gning yi a zi’nè wou Biible a ghô tsui wou pa’ o ghô jiô ajoumi o si fa’a poup. Gning a ké té pôngté a lépè mékèté mi é nteu éwou ndôk ngueô mé mbaa zii. Mpè pôngtè létoung-né mékèté mèt mbông-ô, mbing létii azou a nteu éwou.

Biible a kè’té shoung nguè, mpè nông nkông-ô a ‘léwuè azhènou Ndem’ mbô mpè pôngté a léfa’ azhènou mèt pa’ ‛mékweung mi mè ndœuô la.’ (Proverbes 2:1-5) Bibliotèk yi a nguia atchou’té a ghô kuitè wou tè’.

• Bibliotèk yi a nguia atchou’té a wè émiè métsitsi a lélôk nzi’nè Biible?

• Awô ghô kuitè wou a léku’né njheuè apè anè bibliotèk yi a nguia atchou’té?