Yésu Kristô a bi kal banigil bé le: “Yak bé béihana mapubi manan het bôt ba yé, le ba tehe minson minan minlam, ndi ba ti Isoñ nan nu a yé ngi lipém.” (Matéô 5:16) Inyu yônôs lipôdôl lini, di ngwélél bisélél bôt ba njôôñ yi ba ntip pémés, kiki internet. Site le jw.org, i yé ngembe site yés i internet. I mpémés miñañ mi ñéba hémle ni minson mi Mbôgi Yéhôva. Mambe mam ma nene mu?

Ndimbhe i Bibel inyu mambadga bôt ba mbéna bat. U nla léba mandimbhe inyu mambadga makeñi bôt ba mbéna badba. Kiki héga, mapep mana le, Baa mandutu m’a mal kel yada? ni Baa bawoga ba nla toi témb i niñ? ma nene i internet ikété iloo 600 dilémb. U nla ki tehe Bibel le La Traduction du monde nouveau (Ngobol i Mbok Yondo) ikété iloo 130 ma dilémb, lôñni jôga li bikaat bi nhôla inyu yigil Bibel, kiki bo Qu’enseigne réellement la Bible? (Kii Bibel i niiga toi?) ni mimbamble La Tour de Garde (Nkum Ntat) ni Réveillez-vous! (Tode ’ilo!) mi mi ntip pam. I site yés internet, u nléba ki bikaat le ba ñañ ni emble. Ba nla ki yoñ gwo i nya i nlôôha gwélana, kiki bo MP3, PDF, tole EPUB. Inyu mut nu a ndiihe Bibel, u nla yak pémhene nye ndég mapep ikété hilémb hié. Bikaat i nya ba mpémés kiki biliñgeliñge, bi nene mu site i, ikété ngandak dilémb di moo, inyu bôt ba mbuk. U nla ki yoñ, tole ôt lisoñgol Bibel, mintuk mi miñañ mi Bibel, ni tjémbi dilam di u nla emble i ngéda noi yoñ.

Miñañ mi yé ntiik mi mbéñge Mbôgi Yéhôva. Site internet yés i mpémés mañwin ma mondo ni biliñgeliñge bi ntoñol nson wés kiki u mbôña ni nkoñ isi wonsôna. I nyis yak miñañ mi ntihba Mbôgi Yéhôva, ni mahôla di nti i mambok dikuu di nkwo. U nla ki yi hee ni imbe ngéda makoda més ma ndôn ma ga ba, ni hee hikuu hiés hi loñ hi yéne.

Ni manjel mana, di nla ni béyés mapubi ma maliga i bahoma ba nlôôha haa hana isi. Ke pam i nwelnwel mbok i hisi, i homa a nlôôha lisuni ba nsébél le Antartika, bôt bobasôna, ba nkôs miñañ. Masoohe més ma yé le “bañga i Nwet i hoo ke bisu,” ni hisi hiosôna, le ndi Yéhova a kôs lipém.​—2 Tésalônika 3:1.

• Lelaa jw.org a nhôla ngandak bôt i nigil maliga ma Bibel?

• Kii u nla gwés béñge i site yés i internet?