Yéso Kristo le ghôm bi pekhu pye ge: “Khaʼ yô pe kyèʼ ne mnye pômneng poʼo ge, wap ne yô mfaʼ pepoung mô be gouʼte Ta yô ye é be kèbeng a.” (Matio 5:16) A be poʼo te pye pe gwim tse se ne tchyagne mtchoung, paʼ internet a. Sit internet ne djye potse ne ye ne ping ba mfaʼ Mkwithè Jéova be jw.org. Pou djô ke tsuʼou?

Mpaʼ Bible ne mhente mye boʼgywe pô tchwe sè nwe ne a. O fing ne yô mpaʼ ne she mhente tuôdeng ne vôk. Taʼ foʼte, mbak ŋwaʼgne Te mreghô gô tchwe mi le? ba Te pô pye wap pfu a gô tchwe yam ne vu le? be tchum sit internet ne mghôm 800 te twôk. Tchum sit bô o gô kwiʼ yô ba Traduction du monde nouveau ne mghôm 160 te twôk, ba mŋwaʼgne ne jiʼte Bible paʼ Que nous enseigne la Bible ? ba mjuôjum mŋwaʼgne mŋwe Dye Djapnè pou Réveillez-vous ! O fing ne woung ne internet khé she ne mŋwaʼgne bô ke djouʼ ma bô le. O fing ba ne téléshargé ma bô ne medou mtchi paʼ MP3, PDF, ba EPUB. O fing ne té ba she mbak ne pipa ha bi mo ye é bo koung ne youʼ nwe ne Bible a ne tsye ghôm! Ba mvidéo be si ne tchitchi mghôm pe mbouʼmteng. O fing ne ping de ŋwègne téléshargé Bible be pou ké thate tate, mdrame, ba mjôpshye thwatwa.

Medou potse ne Mkwithè Jéova. A be ne sit yôk pou pe kwiʼ djô mtchoung mye a bo te be si a, ba mkam mvidéo ne mfaʼ môk tchum goung demtchaʼ, ne mnwe mye a we dé mkwithè Jéova, ba m ne mfaʼ môk ne kwite pyeshe pô. O fing ne ping djô ba m adrèsi mtsuʼ ne dé mfaʼ môk ba potse ne mtchouʼte gwye môk.

Pye tchye m poʼo, gre ge khaʼ nyenyô kyèʼ te kem ne mbap tsuʼ guô sesuô dem tchaʼa. Pô ne mbap tsuʼ wè tchum dzu, ba m Antarctique gô ne sit yôk. Pye bo gre priya ge “ghôm Jéova ghô dze” ne goung demtchaʼ awè, ne ghouʼte Si.​—2 Tésalonika 3:1.

• jw.org kwite medou pô ne jye nyenyô ne Bible m tchi ge ke?

• O we tcheng ne lé you ke tchum sit yôk?