Yesus ikofenḇair ḇe manfamyan ḇyesi snar, ”Rarirya isnai ḇedi isak ma isnaiyar snonkaku sya insa smam fararur ḇepyum ḇena ma sisandik Kmami ro boiyaswa”. (Matius 5:16) Faro maksud ine, iso nggomarisen nggoḇuk teknologi isoine, Internet na. Situs Web nggoḇedi, jw.org, iso ḇefasnai kaku roi nggokyar na ma fararur ro Saksi-Saksi Yahwe sya. Rosai nari Wasmai ya.

Kankarem ro Refo faro fakfuken sifuken ker na. Na wasmai kankarem ro fakfuken ḇefandun riḇeso snonggaku sya sifuken ro kankenem ine. Imnis raris syap mgun Wamarisen fa Wafawi kakaku ya ke? ma Snonggaku Ḇemar Kwar Sya Na Sikenem Wer Ke? Naisya ro Internet syadi ro wos ri 900. Bisa wasmai Refo Terjemahan Dunia Baru nasya ro wos ri 180 ma riḇeso ro roi koḇuki farkor Refo ya, raris syap Rosai Refo Fyarkor Ḇeko? Ramnai syap sifrur babo iso Baryas ma Sadarlah! Publikasi ḇebor nane bisa wawasya ḇaido rwower na ro Internet ḇaido bisa wun na ro format MP3, PDF, ḇaido EPUB. Bisa wafrur ram riḇeḇeso fa ḇukna ḇe snonggaku ḇemarisen ḇerower au sya, imnis wos ḇyena! Publikasi ro wos isyarat na kako naisya sfasos na ro vidio. Bisa wun ḇaḇewasya Refo imnis drama, drama ḇeknam ro Refo, ma musik bisa rwower fyor fararur ḇa.

Informasi ḇekurfasnai Saksi-Saksi Yahwe sya. Fawar ḇebabo ma fasasnai vidio kuker fararur ḇaḇeḇaryas ro supswan ḇesiper naisya, ma samswen Saksi-Saksi Yahwe sya sismai na, ma fafnoḇek nggofasos fyor rim ḇeba ya myum naisya kako. Bisa swewar moḇ na sifrur munara kebaktian ma moḇ kantor cabang naisya roroya.

Kuker nyan ine, nggofasnai sananai ro kakaku isof ro moḇ ḇe binggwan kaku ro supswan ḇesiper ine. Snonggaku ḇerama ro moḇ sairirya monda, Antartika, sḇaḇir fainda ḇyena. Nggoḇenadi insama ”[Yahwe] wos ḇyedi irwuren” isof ro supswan ine insa nun sanandik ḇe Allah.​—2 Tesalonika 3:1.

• Rariso situs jw.org ifnoḇek snonggaku ḇebor sya fa sakfawi kakaku ro Refo ya?

• Rosai Wamarisen fa swewar ro situs Web nggoḇedi?