Tïwekenanamonʼwa Jesas Krais tïka ma: ‹Oro owaweijïkon kariʼniakon aweiʼpian, kurangon owemaminjon enetoʼme iʼyainie, nuse kapu tano Oyumï ïtoʼme iʼyainie.› (Matthew 5:16) Ijokero naʼna juʼpïa erokonme taʼkumïngon aʼkuan, ijo wane ouranatoʼkon, computakon, intanet eropa. Naʼna websaitïrï, jw.org, neroʼkon moro intanet ta ipioro ekariʼniepa Jehoba poko Wòrupïatonon namïʼcharïkon poko, emaminjon poko eropa. Òtïkon nonean moro websait ta?

Opoto Papa Karetarï poko ekemaʼpamboto pore amukon wòturupopoʼtoʼkon èyukuʼmaʼpo icha ma. Amukon wòturupïotoʼkonïmbone èyuʼtoʼkon mepoapa. Ijoʼmï morokon karetaʼmakon Amumbo yakoro wane komamïrïkon anïʼmanomon uwaro neiyamba? maro Moʼkaron jombïʼmasamba taʼroro nemainyatomba eropa? naʼna websaitïrï ta ma 600 koʼpo amukon meʼme ourananokon ta. Moro New World Translation eropa 130 koʼpo amukon meʼme ourananokon ta ma. Apïmie eropa Opoto Papa Karetarï poko òmepatoʼkon karetakon ma, ènï watonon Kurangon ourananokon Opoto Papa weinio òpïʼpïo! Ekemaʼpa nuno niekïrïrïkon karetakon eropa mondo ma The Watchtower maro Awake! Apïmie erokon karetakon èrupïarïpïa ma, ijoseʼpa etarïpïa ma intanet ta, ijoseʼpa apoiʼpiorïkomba ma MP3 me, PDF me ijoseʼpa EPUB me eropa. Mapoiʼpioapa maroro asi amu kareta poko amu tïwòmepasan ekataka euran ta ro. Euramïngon euran ta maroro apïmie erokon karetakon piʼchakonme ma. Opoto Papa Karetarï ta yèíʼmiasan eurangonïmbo paʼme èrupïarïkon eropa mapoiʼpioapa, neiara penaro yako yèíʼmiasangonïmbo uʼkuʼmaʼpo eropa iʼyainie. Kurangon eropa warekon mapoiʼpioapa onetarïme.

Ipioro Jehoba poko Wòrupïatonon poko òtïkon weíʼmiaʼpo ekarichïʼmaʼpo icha ma. Sherïme òtïkon weíʼmiaʼpo meroʼmaʼpo mondo ma nono wararo naʼna wòrupïarï emamin poko, saninjon piʼchakon eropa naʼna emaminjon poko. Eiʼpiopïngon maro kurangon òtïkon weíʼmiaʼpo meroʼmaʼpo eropa mondo ma, neiara amukon epatomaʼmaʼpo eropa naʼnaʼwa opotonon eiʼpiopingon weíʼmiaʼpo yako. Neiako opotonon woseʼnanoʼnokon weijï ekarichïʼpo meneapa, neiara Jehoba poko Wòrupïatonon emaminjon enenamon emaminiatoʼkon eporï ekarichïʼpo eropa.

Erokon paʼmero joke moro ipiorono aweijï aweiʼpiano naʼna moenokon pane roten weʼchoʼkon ta. Nono wararo kariʼniakon kïnetaton, moro tïsanoren pane roten weʼchopo Antarctica po maroro. Nono wararo koí Jehoba euran wotaripiapïrïʼwa naʼna kïnoʼposan nuse ïtoʼme.​—2 Thessalonians 3:1.

• Neiara jw.org ambore amukon epatomano Opoto Papa Karetarï tano ipioronokon uputïrï poko?

• Òtï poko owotupishe ma naʼna websaitïrï ta?