Annbi Iisaa wi’uno taalibaaɓe makko ɓen : “ Yo ndaygu mon ngun jalbirii nii yeeso yimɓe ɓen, fii no ɓe yi’ira kuuɗe mon moƴƴe ɗen, ɓe mawnina Ben mon Wonɗo ka kammu on. ” (Matta 5:16). Ko ɗun waɗi e oo saa’i ɗoo, meɗen huutorde Enternet. Si hiɗon faalaa anndugol fii Seedeeɓe Yahuwah ɓen ka Enternet, on tappay ɗoo jw.org. Ko honɗun tawoton ?

Deftere Allah nden no jaabi lanndaale buy. On waaway anndude jaabaaji fii lanndaale hittuɗe ko yimɓe buy lanndotoo kon. E piide misal, ɗii kaydiiji Tampere lannoyay ? e Mayɓe ɓen wuuritey kadi ? no ka jokkorde amen ko ɓuri haalaaji 600. On yi’ay kadi, Traduction du monde nouveau e nder haalaaji ko ɓuri 130 e defte buy ko wallata yimɓe no ɓe anndira daaluyee Allah on, wano ndee deftere : Qu’enseigne réellement la Bible ? e defte wano La Tour de Garde e Réveillez-vous ! ko yalti neeɓaali. Hiɗon waawi janngude maa jentaade ɗee defte ka enternet maa loowude formaaji anndaaɗi wano MP3, PDF, or EPUB. Hiɗon waawi kadi hollude mo annduɗon e haala makko. No woodi kadi filmu DVD buy fii pahooɓe. Hiɗon waawi loowude mago ko waɗaa kon e jaaroore fii ko jentoɗon e saa’i mo faalaɗon.

Humpitagol fii Seedeeɓe Yahuwah ɓen. Ka jokkorde amen Enternet, on yi’ey golle amen ɗen fii waajagol ngol e piiji ko Seedeeɓe Yahuwah ɓen woni e feƴƴinde. On yi’ay kadi ko men waɗata kon fii wallitagol musiɓɓe amen ɓen. On waaway humpitaade fii yiilirɗe amen ɗen no anndiron fii mottondire amen ɗen.

Ɗun ɗoo fow wallay yimɓe ɓen fii no ɓe anndira laawol Allah ngol e nder aduna on fow. Yimɓe wonuɓe e leyɗe ɗen fow haa e ndii leydi wi’eteendi Antarktik no nafitorde jokkorde amen nden Enternet. Meɗen toraade fii no “ daaluyee Joomiraaɗo on lollira ” e nder aduna on fow. — 2 Tesalonii 3:1.

• Ko honno jw.org walliri yimɓe no ɓe janngira Deftere Allah nden ?

• Ko honɗun faalaɗon yi’ude ka jokkorde amen Enternet ?