Zesu ə mo ŋɔ kalan neai diɛ, yɛ diɛ : “ Maanɛɛ ka wɔ kɛɛpono ə kɛ [...] nua lowai, ə gɛ nua di ka wɔ tuwɔ pələ lɛlɛ kaa, di maawiɛ tɛɛ ka Nán Yálá pɔ yii gaa yələi. ” (Matie 5:16). Yili ɓa, kwa tɛɛ a kpaalə tamaa háákələi Yálá lawoo laa həli mɛni ɓa. internet kaa a gbaaləɠaa tii ta. Nu a li internet ɓa, Zehova ŋɔ Kəlaɠaa di wɔ kwɛli yɛli yii a di maa mɛni hukulɔ da di wɔ laana laa ya ɓaa jw.org. Lə ɓə a hɔlɔɓo laa ?

Kɛɛmaalənŋaai nua da kɛ gɛi, di mukulaɠaai Biblə a dɛɛ. Kɛɛmaalən gbea-kpea yiiɠaa nua da gɛ yɛ hwilɛn na yɛnɛɛ ɓa di mukulaaɠaa da hɔlɔɓo Biblə hu. Gwa gɔɔmaa həɠə, ɉɛɓɛlaa ŋɛi da kɛ ma Mɔnɔ kaa mɔɔn pai kpɛɛi ?, a Haaɓəlaa da pɛli mɔɔn nwun ɉii ? yai a hɔlɔɓo híín woo 600 da da hu, a gɛɛmaalənŋaa tii mɛida (6) mukulɔ. Biblə ŋɛi da kɛ ma Traduction du monde nouveau a hɔlɔɓo nwɔnɔ ku wɔ kwɛli yɛlii ɓa híín woo 130 da da hu. Hɛɓɛ tamaa da hɔlɔɓo laa, diɛ kpɔnmaa tɛɛ nua pɔ Biblə kalan mɛni ɓa, yɛ pələi Qu’enseigne réellement la Bible ? kaa la. La Tour de Garde ninɛɠaa da Réveillez-vous ! ninɛɠaa da hɔlɔɓo nwɔnɔ laa. Ya pɛli ɉɛɓɛɠaa tii damaa ɓoi ku wɔ kwɛli yɛlii ɓa. Ɉɛɓɛɠaa tii taɠaa kaa a woo həɠə ɓo, ya pɛli di lɔi ə́ wɔ hwaa kwɛliɠaa hu, yɛ́ di woo mɛn. Daɠaa kaa nwɔnɔ a PDF awala kɛtii EPUB. Nui gaa bɔ ə Biblə ɲaakaa, ya pɛli lii ku wɔ kwɛli yɛlii ɓa, ə́ hɛɓɛɠaa kwɛli laa nawoo hu, awala kɛtii híín woo takpɛli hu, ə́ dɛɛ bɔ. Filiməɠaa da hɔlɔɓo laa, diɛ kpɔnmaa tɛɛ ɓowoɓowoɠaa da muugbɛɠaa di pɔ Yálá lawoo ɲaakaa mɛni ɓa. Biblə ɓo pələ yii gaa yɛ nua da kɛi teatɛlɛ kɛ, da teatɛlɛ yii ɉu mɛni ə kulɔ Biblə hu, di wɔ woo həɠə ɓo kaa laa, ə lɛɛ wələ lɛlɛɛɠaa.

Zehova ŋɔ Kəlaɠaa maa mɛni hukulaa laa. Wɛlɛɛ ninɛɠaa kaa ku wɔ kwɛli yɛlii ɓa vilɛnŋaa kuɔ, da filiməɠaai di hwilɛnŋaa ku wɔ Yálá lawoo laa həli kólói ɓa yɛnɛɛ naa kəlee, awala kɛtii di hwilɛnŋaa mɛniɠaa Zehova ŋɔ Kəlaɠaa daa tɛɛ ɉu diɛ, awala kɛtii nwɔnɔ pələi kwa kpɔnmaa tɛɛ la nua pɔ ɓɛlowai kɛɛ a kala la diɛ. Ku wɔ filiyaliɠaa da ku wɔ ŋaakpɔn gbea-kpea di maa mɛni hukulaa laa.

Pələ ɓə kwa tɛɛ la, teɲa ŋɔ kɛɛ pono yɛ həli yɛnɛɛ naa kəlee. Lɔi kəlee hu nua da pɛli lii ku wɔ kwɛli yɛlii ɓa, ə ma kɛ Antarctique, yai gaa a kɛɛnaa yii kwɛɛlɛ a pa laa kɛnɛ. Kwa kɛ Yálá hwɛlii ə gɛ “ Yálá lawoo ə taɠa-taɠa kɛɛnaa kəlee a maa hulaa ” Yálá maawiɛ mɛni ɓa. — Tesalonikə veelɛnaa 3:1.

• Kpɔnmaa ləkɛɛ ɓə jw.org a dɛɛ nua pɔ teɲa kɔlɔn mɛni ɓa ?

• Lə ɓə ə́ kaa bɔ ə́ ɉɔlɔɓo ku wɔ kwɛli yɛlii ɓa ?