Jesu den yedi o ŋoadikaaba: “lani, yin cedi mani yi yenma n yendi bi niba kani, ke ban le yi tuonŋama ki kpiagi yi Baa yua n ye tanpoli po”. (Matie 5:16) Tin bua ti yenma n yendi yeni, ti tuuni leni internet leni bontoala. Ti sito tie www.pr418.com. Li todi ke bi niba bandi Jeova Siedinba tuona leni bi dandanli n tie yaala. Bee n go ye ti sito nni?

Yi baa bandi biibili n lebidi bi niba buali maanma. Ti sito nni yi baa fidi ba yaa buali n pia ti ñoadi ki cie yeni lebidima. Yi laadi a tifaada nani Fala yeni ba ti gbeni dayenli bi? Yaaba n kpe ba ti faadi bi? Ke li ye mabuoli 600 nni. Tradution du monde nouveau yee mabuoli 130 nni leni bangima tila nani Quʼenseigne réelement la bible. Yi go laadi Tour de Garde leni Réveillez-vous ! tipaana kuli. Yi baa fidi cogi, ki cengi bi télécharger laa tila leni format MP3, PDF, EPUB. Yi baa fidi imprimer a tila mabuoli toe nni ki teni yin bangi yaaba biibili yeni. Video n ye n muulima nni. Yi go baa fidi télécharger teyatri yaala n ñan biibili nni, ki cengi bi ki diidi, ki télécharger i yani moko ki cengi.

Yi baadi i laabaali moamoani Jeova Siedinba po. Ti sito nni, yi baadi laabaali leni video bonpanba yaala n wangi Jeova Siedinba n tuuni yaa tuonli ŋanduna kuli nni. Yi go baadi labaali Jeova Siedinba po, ki wangi ban todi bi niba maanma li pakili yogunu. Ti sito go wangi a taancianma kaanu leni bi yogunu, ki go wangi Beteli adresses.

Tin tiendi yeni n cedi ke biibili yenma yendi i kaanu kuli. Ŋanduna nni bi niba kuli diidi ti sito, baa yaa dogu n foagi leni ti. Ti jaandi miadi ke “O Diedo maama n suagi liiga ki yadi” ŋanduna kuli nni, O yeli n ba mi gagidima.—Tesaloniki Yaaba Tilieli 3:1.

• Lede ke ti sito todi bi niba ke bi bangi biibili n yedi yaala?

• Yi bua lingi bee ti sito nni?