Jesuska ni unuíniatairin junis tiármiayi: “Atumsha Yusja̱i̱ péṉker túramu paant atí” (Mateu 5:16). Testigos de Jehovati Yuusna jintínkrateaj nuna, tura ashí nunkanam ti nukap pénker túrajnia nunasha, ashí aents paant nekaáwarat tusar internetnum jw.org tana nu najánaitji. Nuiti nekaska Testigos de Jehová najánamuka. Nui enkemáttsamka jw.org tu aaram enkemátniuitme. Nui enkemám warimpiá nekaámniaitiam?

Yuús Papií jintínkrateana nu paant nekaámniaitme. Untsurí aents ni nékachmarin Yuús Papiinium nekaáwaru áiniawai. Amesha internetnum jw.org nui enkemám, Wáitiamu amuukatniuashit? tura Jákaru ainia ataksha nantakiartimpiash? tana nu papiích áujsarminiaitme.Tura nuink Yuús Papiisha Traducción del Nuevo Mundo áujsamniaitme. Papií Yuusa chichame unuímiatkum paant nekaata [¿Qué nos enseña la Biblia?] nuyá chikich papiisha Yuusna unuimiátratin nukap íruneawai. Tura núnisank, Étserma [La Atalaya] papií nuyá Ánermak pujustá [¡Despertad!] tana nu papií yama najánkamu írunui. Tura warinsha áujsataj takumka túrutskesha antuktaj takumka, MP3, PDF, o EPUB tana nui ininiám jusámniaitme. Yuús Papiín áujmateana nuna nakumsar áujsamu antúkminiaitme. Películas Yuús Papiíniumia najánkamusha tura Jehová nampersamu antúktincha íruneawai. Papiikia chikich chichamjai nukap najánkamu íruneawai. Yaksha ni chichámejaink Yuusa chichamen nekaát tusam papiích imprimiajasam susámniaitme. Vidéossha uwijmiarar chichataijiai nukap chichamjai íruneawai.

Testigos de Jehová ashí nunkanam warinia najánainia nuna étserma nekaámniaitme. Internetnum jw.org enkemám, Testigos de Jehová ni yachincha ni umaincha warinsha itiurchat nankaámatsarmatai itiúr yayainia nuna chicham étserma nekaáttame. Tura chikich aéntsnasha itiúr yayainia nusha nekaáttame. Tura aintsank, Testigos de Jehová Yuusan enentáimtustasar untsurí irúntratin átincha nekaámniaitme. Nuyá Testigos de Jehová mátsatkamurisha tuimpia aa nusha nekaámniaitme. Testigos de Jehová ashí nunkanam warinia najánainia núnanu videos sútamchik najánkamusha iísminiaitme.

Ashí nunkánmania aents internetnum jw.org tana nui enkemawar Jehovanun nekasa nuna paant nekaáwarminiaiti. Ti aránt, michá nunkanam Antártida naártinniumsha nekaáwarminiaiti. Yuusa chichame ashí nunkanam nekánaki weti tusar nuyá Jehová naárisha paant nekaamu ati tusar Testigos de Jehovátikia Yuús séawitji (2 Tisarúnikianam [2 Tesalonicenses] 3:1).

• Internetnum jw.org tana nui enkemawar aents warinia nekaáwarminiait?

• Internetnum jw.org tana nui enkemám warí nekaattsam wakeram?