Σisa Lmasiḥ yenna i inelmaden-​is: “Akka i glaq aţ-​ţfeǧǧeǧ tafat-​nwen zdat n yemdanen; ad walin lecɣwal-​nwen yelhan, dɣa ad ḥemden Baba-​twen n igenwan.” (Matta 5:16) Bac a d-​iḍru wannect-​a, nessexdam leḥwayeǧ tijdidin i d-​innulfan ass-​a, gar-​asent Internet. Inagan n Yahwa sεan asmel i d-​iţwerrin ayen is i ţţamnen d wayen i xeddmen; isem-​is: jw.org. D acu i neţţaf deg-​s?

Leǧwab i d-​yeţţak Wedlis Iqedsen ɣef yesteqsiyen n waṭas n medden. Tzemreḍ aţ-​ţafeḍ leǧwab i kra n yesteqsiyen yesεan azal ameqran yeεnan tudert. Di lemtel, ilɣa (tiwriqin) yeţţusemman Lemḥayen ad kfunt yiwen wass? akk-​d Wid yemmuten zemren a d-​uɣalen ɣer tudert? llan di Internet deg wakteṛ n 600 lluɣat. Deg wesmel-​agi, aţ-​ţafeḍ Ṭrejma n ddunit tajdiṭ deg wakteṛ n 130 lluɣat, tiktabin yeţwaxedmen i tɣuri n Wedlis Iqedsen, am tektabt Acu yesselmad s ṣṣeḥ Wedlis Iqedsen? akk-​d tesɣunin tineggura n Lbeṛǧ n Tεessast akk-​d Aki-​d! Tzemreḍ aţ-​ţeɣreḍ neɣ aţ-​ţḥesseḍ i waṭas n tezmamin-​agi qbala deg wesmel-​nneɣ, neɣ ma tebɣiḍ, tzemreḍ a tent-​id-​tzedmeḍ s ṣṣenf n MP3, n PDF neɣ n EPUB. Ma yehwa-​yak, zdem-​ed leqraya n temεayin seg Wedlis Iqedsen d lmusiqa n lεali, akk-​d ţ-​ţemεayin i d-​iţwaleεben. Tzemreḍ daɣen a d-​tḍebεeḍ kra n tewriqin di lluɣa nniḍen i walbeεḍ i gebɣan ad yissin Adlis Iqedsen. Aţ-​ţafeḍ daɣen bidyuwat di xilla n lluɣat n igugamen. Yerna zdem-​ed ayen i tebɣiḍ aţ-​ţestumneḍ yis si leqraya n temεayin seg Wedlis Iqedsen, n temεayin i d-​iţwaleεben akk-​d lmusiqat ḥlawen.

Kra n lexbaṛat ɣef Inagan n Yahwa. Tzemreḍ aţ-​ţafeḍ daɣen deg wesmel-​nneɣ lexbaṛat ijdiden akk-​d bidyuwat timecṭaḥ ɣef leqdic i nxeddem di ddunit meṛṛa, ɣef tedyanin yeεnan Inagan n Yahwa neɣ ɣef lemεawna i neţţak m’ara d-​teḍru twaɣit. Llan deg wesmel-​agi ladrisat akk-​d wuṭṭunen (nimṛuwat) n tilifun n Bitilat-​nneɣ akk-​d kra n lexbaṛat ɣef yegrawen-​nneɣ.

S wannect-​a meṛṛa, nessawaḍ tafat n tideţ alamma d imukan iḍerrfen n ddunit. Imezdaɣ n mkul tama n ddunit, ula d wid izedɣen deg imeḍqan ibeεden, am Anṭarktika, ţṛuḥun ɣer wesmel-​nneɣ. Neţεenni ɣer Yahwa Ṛebbi iwakken “awal-[is] ad ikemmel abrid-​is” ɣef lqaεa meṛṛa, bac ad yaεlay ccan n Ṛebbi.—2 Itisalunikiyen 3:1.

• Amek i geţεawan jw.org imdanen ad issinen tideţ n Wedlis Iqedsen?

• Acu i tebɣiḍ aţ-​ţeẓreḍ deg wesmel-​nneɣ?