يسا ٴ‌ماسىح ٶزىنىڭ ٸزباسارلارىنا:‏ «سەندەردەگى جارىق ادامدار الدىندا جارقىراپ تۇرسىن.‏ وسىلايشا ولار يگى ىستەرىڭدى كورىپ،‏ كوكتەگى اكەلەرىڭدى ماداقتاسىن»،‏—‏ دەگەن (‏ماتاي 5:‏16‏)‏.‏ سول سەبەپتى ٴ‌بىز زاماناۋي تەحنولوگيانى،‏ ونىڭ ىشىندە عالامتوردى دا،‏ بارىنشا قولدانۋعا تىرىسامىز.‏ مىسالى،‏ ٴ‌بىزدىڭ jw.org دەگەن رەسمي تورىمىزدان ەحوبا كۋاگەرلەرىنىڭ نانىمدارى مەن اتقارىپ جاتقان ىستەرى جايلى كوپ مالىمەت تابا الاسىز.‏ بۇل توردىڭ قانداي ەرەكشەلىكتەرى بار؟‏

ٴ‌جيى كوتەرىلەتىن سۇراقتاردىڭ جاۋابىن كيەلى كىتاپتان تابۋعا بولادى.‏ تورىمىزدان ادامداردى تولعاندىراتىن كەيبىر ماڭىزدى سۇراقتاردىڭ جاۋابىن تابا الاسىز.‏ مىسالى،‏ «‏قايعى-‏قاسىرەت بولمايتىن كەز كەلە مە؟‏‏» جانە «‏ولگەن ادامدار ومىرگە قايتا ورالا ما؟‏‏» دەپ اتالاتىن بۇكتەمەلەر توردا قولجەتىمدى.‏ ولار 900 دەن استام تىلگە اۋدارىلعان.‏ سونداي-‏اق تور بەكەتىنەن 160 تان اسا تىلدە جارىق كورگەن «جاڭا دۇنيە اۋدارماسىن»،‏ ‏«كۇزەت مۇناراسى» مەن «ويانىڭدار!‏»‏ جۋرنالىنىڭ سوڭعى ساندارىن جانە «‏كيەلى جازبالاردان نە بىلەمىز؟‏‏» باسىلىمى سياقتى كيەلى كىتاپتى زەرتتەۋگە ارنالعان ٵرتۇرلى قۇرالداردى تابا الاسىز.‏ بۇل ادەبيەتتەردىڭ كوبىسىن توردىڭ وزىنەن وقۋعا نە تىڭداۋعا بولادى،‏ ٵرى ولاردى MP3،‏ PDF نە EPUB سياقتى كەڭ تاراعان نۇسقالارىندا ٴ‌تۇسىرىپ الساڭىز بولادى.‏ ٴ‌سىز ٴ‌تىپتى قىزىعۋشىلىق تانىتقان ادامعا ونىڭ تىلىنە اۋدارىلعان باسىلىمنىڭ بىرنەشە بەتىن قاعازعا باسىپ شىعارا الاسىز!‏ سونىمەن قاتار توردا كوپتەگەن ىم تىلىندە جازىلعان بەينە ادەبيەتتەرىمىز دە بار.‏ بۇعان قوسا،‏ ول جەردەن كيەلى كىتاپتىڭ كوركەمدەپ وقىلۋىن‏،‏ دىبىستىق درامانى جانە جانىڭىزعا جاي بەرەتىن اسەم اۋەندەردى تۇسىرۋىڭىزگە بولادى.‏

ەحوبا كۋاگەرلەرى تۋرالى سەنىمدى مالىمەت تابا الاسىز.‏ ٴ‌بىزدىڭ تورىمىزدا دۇنيەجۇزىلىك ىسىمىزگە،‏ ەحوبا كۋاگەرلەرىمەن بايلانىستى وقيعالارعا جانە اپاتتان زارداپ شەككەندەرگە كومەك كورسەتۋگە قاتىستى سوڭعى جاڭالىقتار مەن بەينە ماتەريالدار دا بار.‏ سونداي-‏اق ول جەردەن الداعى كونگرەستەر جايلى مالىمەتتى جانە فيليالداردىڭ مەكەنجايلارى مەن تەلەفون نومىرلەرىن بىلە الاسىز.‏

ٴ‌بىز وسىنداي جولدارمەن شىندىقتىڭ جارىعىن جەردىڭ تۇكپىر-‏تۇكپىرىندە جارقىراتۋدامىز.‏ انتاركتيدا سياقتى جەردىڭ قيىر شەتىندە ٶمىر سۇرەتىن ادامدار دا ٴ‌بىزدىڭ باسىلىمدارىمىزعا قول جەتكىزە الادى.‏ ٴ‌بىز ەحوبانىڭ ٴ‌سوزى تەز ارادا بۇكىل دۇنيەجۇزىنە تاراپ،‏ وعان داڭق اكەلسىن دەپ دۇعا ەتەمىز (‏سالونيكالىقتارعا 2-‏حات 3:‏1‏)‏.‏

• ۇيىمىمىزدىڭ jw.org تور بەكەتى كوپ ادامعا كيەلى كىتاپتاعى شىندىقتاردى ۇيرەنۋگە قالاي كومەكتەسىپ جاتىر؟‏

• ٴ‌بىزدىڭ توربەكەتىمىزدەن قانداي مالىمەت العىڭىز كەلەر ەدى؟‏