ບົດທີ 28
ມີຫຍັງແດ່ຢູ່ເວັບໄຊຂອງພວກເຮົາ?
ຝຣັ່ງ
ໂປໂລຍ
ຣັດເຊຍ
ພະເຍຊູບອກພວກລູກສິດຂອງພະອົງວ່າ: “ໃຫ້ແຈ້ງຂອງທ່ານທັງຫຼາຍສ່ອງໄປຕໍ່ໜ້າຄົນທັງຫຼາຍ ເພື່ອເຂົາຈະໄດ້ເຫັນການດີທັງຫຼາຍຂອງທ່ານທັງຫຼາຍ ແລະຈະໄດ້ສັນລະເສີນພະບິດາຂອງພວກທ່ານຜູ້ຢູ່ໃນສະຫວັນ.” (ມັດທາຍ 5:16) ເພື່ອບັນລຸເປົ້າໝາຍນັ້ນ ພວກເຮົາໃຊ້ປະໂຫຍດຈາກເທັກໂນໂລຍີທີ່ທັນສະໄໝ ເຊິ່ງລວມເຖິງອິນເຕີເນັດ. ເວັບໄຊຂອງພວກເຮົາແມ່ນແຫຼ່ງຂໍ້ມູນທາງອິນເຕີເນັດທີ່ເປັນທາງການກ່ຽວກັບຄວາມເຊື່ອແລະວຽກງານຂອງພະຍານພະເຢໂຫວາ. ເວັບໄຊນີ້ມີຈຸດປະສົງຄືແນວໃດ?
ຄຳພີໄບເບິນມີຄຳຕອບສຳລັບຄຳຖາມທີ່ຫຼາຍຄົນມັກຖາມ. ທ່ານສາມາດພົບຄຳຕອບສຳລັບບາງຄຳຖາມທີ່ສຳຄັນທີ່ສຸດເຊິ່ງຄົນອື່ນເຄີຍຖາມ. ຕົວຢ່າງເຊັ່ນ ແຜ່ນພັບຄວາມທຸກລຳບາກຈະມີມື້ໝົດໄປບໍ? ຄົນທີ່ຕາຍໄປແລ້ວຈະມີຊີວິດອີກບໍ? ເຊິ່ງມີໃຫ້ອ່ານຢູ່ທາງອິນເຕີເນັດຫຼາຍກວ່າ 600 ພາສາ. ທ່ານຍັງສາມາດອ່ານຄຳພີໄບເບິນສະບັບແປໂລກໃໝ່ ທີ່ມີຫຼາຍກວ່າ 130 ພາສາແລະຄູ່ມືມາກມາຍໃນການສຶກສາຄຳພີໄບເບິນ ເຊິ່ງລວມເຖິງປຶ້ມຄຳພີໄບເບິນສອນແນວໃດແທ້ໆ? ແລະວາລະສານຫໍສັງເກດການ ແລະຕື່ນເຖີດ! ສະບັບອອກໃໝ່. ສັບພະໜັງສືເຫຼົ່ານີ້ສ່ວນຫຼາຍສາມາດອ່ານຫຼືຟັງທາງອິນເຕີເນັດ ຫຼືດາວໂຫຼດໄດ້ໃນຮູບແບບຕ່າງໆ ເຊັ່ນ MP3 PDF ຫຼື EPUB. ທ່ານແມ່ນແຕ່ສາມາດພິມອອກສອງສາມໜ້າເພື່ອເບິ່ງກັບຜູ້ທີ່ສົນໃຈໃນພາສາຂອງລາວເອງ! ສັບພະໜັງສືຕ່າງ ໆ ມີໃນຮູບແບບເປັນວິດີໂອໃນພາສາມືຫຼາຍພາສາ. ທ່ານສາມາດດາວໂຫຼດການອ່ານຄຳພີໄບເບິນແບບລະຄອນ ລະຄອນກ່ຽວກັບຄຳພີໄບເບິນແລະດົນຕີມ່ວນໆໄດ້.
ຂໍ້ມູນຄວາມຈິງກ່ຽວກັບພະຍານພະເຢໂຫວາ. ນອກຈາກນັ້ນ ຍັງມີການລົງຂ່າວໃໝ່ຫຼ້າສຸດແລະຮູບກ່ຽວກັບວຽກງານຂອງພວກເຮົາໃນທົ່ວໂລກ ເຫດການຕ່າງ ໆ ທີ່ກະທົບໃສ່ພະຍານພະເຢໂຫວາ ແລະວຽກງານຂອງພວກເຮົາໃນການຊ່ວຍເຫຼືອເມື່ອມີໄພພິບັດ. ທ່ານສາມາດເບິ່ງແຈ້ງການກ່ຽວກັບການປະຊຸມໃຫຍ່ທີ່ກຳລັງຈະມາເຖິງ ແລະຂໍ້ມູນທີ່ສາມາດຕິດຕໍ່ສຳນັກງານສາຂາຕ່າງ ໆ ຂອງພວກເຮົາ.
ໂດຍການເຮັດແນວນີ້ ພວກເຮົາກຳລັງສ່ອງແສງຄວາມຈິງໄປສູ່ສ່ວນຕ່າງ ໆ ທີ່ຫ່າງໄກທີ່ສຸດໃນໂລກ. ຜູ້ຄົນຈາກທຸກທະວີບກຳລັງໄດ້ຮັບປະໂຫຍດ ເຊິ່ງລວມເຖິງທະວີບທີ່ໜາວທີ່ສຸດແລະຫ່າງໄກທີ່ສຸດເຊິ່ງເອີ້ນວ່າ ອັງຕັກຕິກ. ເຮົາອະທິດຖານວ່າ “ພະຄຳແຫ່ງພະອົງເຈົ້າຈະໄດ້ແລ່ນໄປ [ແພ່ໄປຢ່າງໄວວາ]” ທົ່ວໂລກເພື່ອສັນລະເສີນພະເຈົ້າ.—2 ເທຊະໂລນີກ 3:1
-
ເວັບໄຊ www.pr418.com/lo ຊ່ວຍຫຼາຍຄົນແນວໃດໃຫ້ຮຽນຮູ້ຄວາມຈິງໃນຄຳພີໄບເບິນ?
-
ທ່ານຢາກຄົ້ນຫາອັນໃດໃນເວັບໄຊຂອງພວກເຮົາ?