Yesu ua lekele vandongesi veni ngueni: “Ceke cenu ci tue ku vantu; linga va ka mone vipanga vienu via ku viuka kaha va ka sangaziala Isuenu u li muilu.” (Mateo 5:​16) Mu ku puisamo mezi a Yesu, tu li na ku likuasesa mua cili teknologiya na internete. Site yetu ya jw.org, ya pua vukovelelo vua cili vua ku uana mizimbu ya lutsilielo na vipanga via Vakaleho va Yehova. Viuma vika via kalamo?

Mbimbiliya ya kumbulula vihula vi tua kala navio. U hasa ku uana vi kumbulula via vihula via seho ya kama, vi ve ku lihula vantu. Ca ku muenako, vitratadu Tuyando Tangua tu ka Hua Ni? na Vuno Vatsi Tangua va ka Sanguka Ni? va vi langulula mu malimi a tuvakana 600 site yetu. U hasa naua ku uanamo Mbimbiliya ya Tradução do novo Mundo mu malimi 130. Na mikanda ye ku kuasa ku lilongesa Mbimbiliya, ngeci

mua livulu Vika Mpundu vi i Longesa Mbimbiya? Na mutumbo ua Vutala vua Kaniungi na viDespertai! Mikanda yaco eyi u hasa ku i tanda ni ku i halakana ni ku i tupulula MP3, mu PDF, ni mu EPUB. Citava naua u i tuhule ha mapapelo linga u haneko kuli muntu ue ku handeka lilimi lieka! Tua kala na vimo vivideo via mu malimi a tuveveve. U hasa naua ku halakana viMbimbiliya vi va na tanda ngue vi drama, na vueho vua mu Mbimbiliya kaha na miaso ya cili ya ku halakana nga u li mu ku huima.

Mizimbu ya vusunga ku tuala ha Vakaleho va Yehova. Muli naua mizimbu na vi video via vuovuno, vi tua tuhula vize via lombolola cipanga cetu mu mavu ose, visoti vie ku solokela va Vakaleho va Yehova, na vukuasi vu ve ku hana ku vantu nga ku soloka visoti. U hasa naua ku tantekeya via viuano vietu na vati u ka hasa ku ka solokako, ku Mbetele.

Ku hitila mu vinjila vino tuli na ku tua ceke ca vusunga na kua lenga mavu. Vantu va ku Vifuti viose vali na ku tambula mikanda yetu. Tuli na ku vundila nguetu “lizi lia Yehova li tunte” ha mavu hose, linga li hane vumpahu kuli Njambi

• Vati saiti jw.org ili na ku kuasa vantu va vengi ku lilongesa vusunga vua mu Mbimbiliya?

• Vika u tonda ku ka tala ni ku nona mu saiti yetu?