Jesucristo kijlij idiscipulojwan: «Ijko̱nsan no̱ maxo̱ta anmota̱wil iyi̱xtaj tajta̱gamej, iga yejeme̱n makitakan tejté̱ yej ye̱kti yej ankichi̱waj, wan makiweymakakan Anmotaj yej onoʼ ajko» (Mateo 5:16). Iga ijkó̱n manikchi̱wakan, nimopale̱wiáj de Internet. Página pan Internet jw.org/nhk teijliá yej kicre̱rowaj wan yej kichi̱waj yej tajto̱lmoya̱waj de Jehová. ¿Te̱ tikasis ompa?

Tajto̱lkuepalis de tajtanilismej yej ma̱j timochi̱wiliá. Tikasis tajto̱lkuepalis de sekin tajtanilismej yej ma̱j timochi̱wiliá. Ken a̱matsitsi̱n yej moto̱ka̱wiáj ¿Tamis toyo̱lkualo̱lis? wan ¿Welij isaskej seuʼ biáj yej miktokej? Iní̱n wel motemowiá pan página de Internet pan ma̱j de seiscientos tajto̱lmej. Tikasis no̱ Traducción del Nuevo Mundo pan ma̱j de ciento treinta tajto̱lmej; wan miak libros iga matimomachtikan Biblia, ken ¿Qué enseña realmente la Biblia?, wan a̱matajkuilo̱lmej La Atalaya wan ¡Despertad! Miak de ini̱nmej a̱matajkuilo̱lmej wel tiktajto̱ltiá o tikaki pan Internet, o welij tiktemowiá pan formatos ken MP3, PDF o EPUB. Siga tikneki welij tiktemowiá pan motajto̱l wan welij tiki̱xtiá pan a̱maʼ iga xikne̱xtili agaj yej kimatisneki de Irreinoj Dios. Onoʼ miak tamachtilismej pan video pan miak tajto̱l de señas, wan wel motemowiá powalis o tatagetsalis yej wi̱ts pan Biblia, dramas yej moki̱xtij pan Biblia wan takuikalismej iga xikaki kua̱ atikchijtoʼ nité̱.

Kine̱xtiá te̱ kichi̱waj yej tajto̱lmoya̱waj de Jehová. Tikasis noticias wan videos wan tikmatis te̱ nikchi̱waj pan nochi ta̱jli, yej kipano̱ltijtokej yej tajto̱lmoya̱waj de Jehová wan kén nikpale̱wiáj seuʼmej. Wan no̱, kijtowa ke̱man mochi̱was weyi tanechko̱lis wan te̱ijliá kén matitano̱tsakan o matikijkuilowili̱kan Betel.

Iga nikchi̱waj iní̱n, yej melá̱ de Itajto̱l Dios wel asi pan nochi Ta̱jli iga makipale̱wi miak, wan hasta pan a̱ltepe̱mej yej onoʼ pan Antártida. Tiktajtaniliáj Jehová iga «itajto̱l mamomoya̱wa imanin», wan ijkó̱n nochi makimatikan de yéj wan makiweyichi̱wakan (2 Tesalonicenses 3:1).

• Página pan Internet jw.org/nhk, ¿kén kipale̱wiá miakej iga makimatikan yej melá̱ kine̱xtiá Biblia?

• ¿Te̱ tamachtilis tikte̱mojneki pan página yej nikpiáj pan Internet?