Yéeso la gôôn né mégaŋa kwo pé ngié: «A pong ngié pi kiè’ pʉa mésong ta pô gia no mboŋo yié pi né ngʉo, ndéen nké ngou’té Ta wui wuié aa tʉo lépwo.» (Matio 5:16) Pég né koua’ yousé tèknoloji ta mboo intèenèt lé lôg ngiŋé na wèe ntʉôgô. Jʉ’ yié ngouô mé gʉa wo nzsé choum sié Pakuié Ntang Jéova gwiée zuiŋé ntʉm moo, mbing nzsé méfa’ môb aa jw.org. Akô koua’ ngouô tsèe yèe jʉ’ʉ intèenèt?

Mémbʉèe na méno mié é waa nkʉ’ʉ pʉa. Ngouô o gia mbʉèe na ménzèté mié é pou ngouô tʉnzuing tè’, mié pʉa mésong néŋé nzèté. Tsoo fʉ’ ée ngié, métrak Ngwô ngô’ la’a lyè’ mag? pô Mépfo gé la’a lyè’ ping ta wô wo? pou ngouô ssé na méchouŋé ta ntôg 800. O lôôn ngʉa na yaa jʉ’ʉ intèenèt, mba o gé ying giè: Traduction du monde nouveau na méchouŋé ta ntôg 160, égiè méŋwa’né lôg nzi’i Biible pa’ Que nous enseigne la Bible ?, mboo Réveillez-vous ! pô Nang, mié é ka gniée ta nkuièe. Ngʉa na méŋwa’né mié ée tsolo, mba ngouô mé tong ka nzui’té odio wôô na intèenèt. Nkoung mé téléchaagé na méfôôma môôn: MP3, PDF ka EPUP wôô. Ngouo o ying nkuilé tsô mépag na pipa ndôg nkuiété gning wuié a né nkouŋo lé jou’ou no Ssé koua’ na chouŋo la’ yé. Aa moo, mé giè mévidéo na méchouŋé méntsa’ mbou’ ménti ta ngiôôn. Ngouô o téléchaagé nti létoŋo Biible yié ée pa’ dram, ngʉo médram na Biible, mboo mémuzik mboŋo mié ngouô o lôg nnéŋé lékag ntʉm wou.

Méno mié é lié Pakuié Ntang Jéova. Mé ying ngʉa na jʉ’ʉ intèenèt yég pé’é, ngia ménkʉ suié laa mévidéo suié na méfa’ még tsèe ngoung ntsém, na méno mié é lié Pakuié Ntang Jéova, mboo na kuiété yié pég na fʉ’ yié vè mboumo no kuièe. Ngouô o ying ngʉa moo ngia méchʉo lôg ngia Mébétèl még, mboo méno mié é lié mémaa métchou’té.

Pég né ntchʉaté na jw.org, mbou nkiè’è nkiè’ no nénʉ ta nkouou jʉ’ yié tsétsa’ zsoté wo. Pʉa pié é tsuié tsaa mékongtinang ntsém pou née njʉo pi moo, ta mboo Antarctique. Pég né ngʉo suingté ngié «chouŋé Jéova kui’i sa jʉ’» ndoum tsétsa’ ntsém, ndôg naa gou’té na lézing sé.—2 Tésalonika 3:1.

• Jw.org kuiété pʉa ta ngiôôn lé zi’i no nénʉ yié aa tsèe Biible lékô?

• O né nkouŋo lé tôgté tsaa jʉ’ʉ intèenèt yég fa’a kô?