Йесо Киристе ӕ фӕдбӕлдзӕугутӕн загъта: «Уӕ рохс кӕлӕд адӕммӕ, цӕмӕй уин уӕ хуарз гъуддӕгтӕ уинонцӕ ӕма уин уӕ уӕларвон Фиди кадгин кӕнонцӕ» (Матфейи 5:16). Ӕма, цӕмӕй е нӕ къохи бафтуйа, уой туххӕй ба пайда кӕнӕн нӕуӕг технологитӕй, уой хӕццӕ ба ма Интернетӕй дӕр. Нӕ сайти бакӕсӕн ес, Йегови Ӕвдесӕнтӕ цӕбӕл ӕууӕндунцӕ ӕма цӕхуӕн гъуддӕгтӕ кӕнунцӕ, уой туххӕй. Ци си ес базонӕн?

Ес си базонӕн, адӕймагмӕ арӕхдӕр ци фарстатӕ фӕззиннуй, уонӕн Библи цӕхуӕн дзуапп дӕттуй, уой. Еци сайти дзуапп иссердзӕнӕ, ӕхсидзгӕ фарстатӕбӕл. Зӕгъӕн, ес си буклеттӕ «Ескӕд адӕми гъезӕмӕрттӕн кӕрон уодзӕй?», ӕма «Ка рамардӕй етӕ ма ескӕд цардмӕ раздӕхдзӕнцӕ?» 600 фулдӕр ӕвзагебӕл. Удта ма си иссердзӕнӕ, «Библи – Нӕуӕг дуйней тӕлмац» 130 ӕвзагемӕй фулдӕребӕл ӕма ма Библи ке фӕрци фӕййахур кӕнӕн, уӕхӕн публикацитӕ ӕма журналти «Гъӕуайгӕнӕн мӕсуг» ӕма «Райгъал уотӕ!» фӕстаг номертӕ. Аци публикацитӕй берети ес нӕ сайти бакӕсӕн кенӕ сӕмӕ байгъосӕн, удта сӕ ес рафинсӕн дӕр MP3, PDF ӕма EPUB форматти. Адӕймаги Библийӕй ести фарстабӕл дзуапп базонун ку фӕндӕуа, уӕд ин дӕ бон ӕй ӕ мадӕлон ӕвзагбӕл ескӕци публикацийӕй цалдӕр фарси гӕгъӕдибӕл рауадзун. Нӕ сайти ма ес видеопубликацитӕ къохӕйамонгӕ ӕвзӕгтӕбӕл дӕр. Уомӕй уӕлдай ма си рафинсӕн ес Библибӕл арӕзт драмитӕ ӕма, Библи рольтӕмӕ гӕсгӕ кӕми кӕсунцӕ, уӕхӕн аудиодрамитӕ, удта рӕсугъд музыкӕ дӕр.

Ес си базонӕн Йегови Ӕвдесӕнти туххӕй. Нӕ сайти ма финст фӕууй, абони ӕгас дуйней дӕр нӕ куст куд цӕуй, уой туххӕй, удта ма си ес видеорепортажтӕ дӕр. Бакӕсӕн ма си фӕууй нӕ организаций хӕццӕ баст хабӕрттӕ ӕма, аллихузи бӕллӕхтӕ ци бӕстити ӕрцӕуй, уоми ка цӕруй еци хуӕртӕ ӕма ӕнсувӕртӕн куд фенхус кӕнӕн, уой туххӕй дӕр. Уомӕй уӕлдай ма си базонӕн фӕууй, ци конгресстӕ нӕмӕ ӕнгъӕлмӕ кӕсуй, уони туххӕй, удта нӕ филиалти адристӕ ӕма телефони номертӕ дӕр.

Интернети фӕрци хуарз хабар бахъӕртуй сауӕнгӕ зӕнхи кӕрӕнттӕмӕ дӕр. Нӕ сайти фӕрци рӕстдзийнадӕ базонунцӕ сауӕнгӕ идард ӕма уазал Антарктиди дӕр. Мах ковӕн, цӕмӕй ӕгас зӕнхӕбӕл дӕр Йегови дзурд парахат кӕна ӕма Хуцауи ном фулдӕр адӕм кадгин кӕнонцӕ (2 Фессалоникӕгтӕм 3:1).

• Нӕ сайт берӕ адӕмӕн куд ӕнхус кӕнуй рӕстдзийнадӕ базонунмӕ?

• Нӕ сайти ци ес базонӕн?