Da Jesus hott sei followers ksawt: “Losset eiyah lichtah sheina fannich di leit so es si di gooda sacha sayna kenna es diah doond, un es si no eiyah Faddah im Himmel lohva doon.” (Matthäus 5:16) So miah macha goot yoos funn modern technology so vi da Internet. Unsah website, jw.org, is da official blatz fa information finna veyyich vass Jehova Sei Witnesses glawva un doon. Vass kann ma finna datt druff?

Ensahs funn di Bivvel zu questions es oft kfrohkt vadda. Du kansht ensahs finna zu importandi questions es leit henn. So vi di tracts Zayld Soffahres Selayva Ufheahra? un Kenna di Dohda Aekshli Viddah Layva? sinn available online in ivvah nein hunnaht languages. Du kansht aw di New World Translation finna in ivvah 160 languages un aw bichah un brochures es em helfa di Bivvel shtodya, so vi da brochure Goodi Sacha es Gott Sawkt! Un aw di magazines Da Vatshtavvah un Ufvekka! ’S mensht funn di publications kann ma laysa adda abheicha ditzu online, ma kann si aw daunlohda in MP3, PDF, adda EPUB. Du kansht even poah paytshes raus prinda fa ebbah in sei aykni language! Es sinn aw videos available in feel diffandi sign languages. Du kansht diffand shtoft daunlohda, so vi Bivvel layses vi en shtoahri, Bivvel dramas, un shay music es du enjoya kansht.

Information veyyich Jehova Sei Witnesses es voah is. Ma kann aw di news un video clips sayna veyyich vass Jehova Sei Witnesses am du sinn gans ivvah di veld, un funn unsah disaster relief eahvet. Du kansht sayna vann di nekshti conventions sei zayla, un vi fa hohld greeya funn unsah branch offices.

Mitt deah website, kenna leit di voahret vissa gans ivvah di veld. Leit funn alli country, even Antarctica sinn am bennafida. Miah bayda es’s ‘Vatt funn Jehova oh’hald shteik shpredda’ gans ivvah di eaht, un gebt praise zu Gott.​—2 Thessalonicher 3:1.

• Vi is jw.org may leit am helfa di voahret lanna funn di Bivvel?

• Vass vetsht du austshekka uf unsah website?