Jesucristo paita catijcunara nica: “Sindichu canguna vila cuinta runauna ñaupajpi, paiguna can ali rashcaunara ricungaj, ricusha camba ahua pachai tiaj Yayara ahuayachingaj” (Mateo 5:16). Chita rurangahua Internet nishcaras apinchi. Ñucanchi quirishcaunara, shinallara ñucanchi ima rurashcaunaras ricuchingahua www.pr418.com nishca ñucanchi quiquin direccionda charinchi. Chibiga ¿imara tupana ushangui?

Bibliamanda yachachishcaunara tupana ushangui. LLaquiguna tucuringachu?, Huañushcaguna causarinungachu? nishca quillcaunara Internetpi llucchina ushangui 600 yali shimiunai, shinallara Traducción del Nuevo Mundo nishca Bibliara 130 shimiunais tupana ushangui. Mas Bibliamanda yachangahua shuj quillcaunaras tupana ushangui. Yaya Dios partimanda ali gustu cuintashcauna nishca folletora, La Atalaya, ¡Despertad! nishca quillcaunaras tupana ushangui. Ashca quillcaunaraga Internetpillara leana, uyanas ushangui. Shinallara MP3, PDF, EPUB nishca programagunais llucchinas ushangui, camba computadorama Internetmanda pasachina ushangui. Munashaga camba quiquin rimashca shimii copiagunara llucchisha Bibliamanda yachanara munajcunama cuna ushangui. Astaumbas, upa shimi runaunara yachachingahua peliculaguna tianmi. Shinallara Bibliamanda leasha grabashcauna, peliculagunas, gustu uyana musicagunas tianmi. Tucui chiunara Internetmanda llucchina ushanguimi.

Jehovahuaj testigogunamanda mas yachana ushangui. Internetpi cunanra llucshij mushuj, intiru mundui ñucanchimanda cuintaushcauna, shujcunama yanapashcaunas, ansalla minutu charij videogunaras ricuna ushangui. Astaumbas Internetpi tupana ushangui imauras asambleaguna tiangaraushcara. Shinallara oficinaguna maibilla tiashcara ricuna ushangui.

Tucui llactaunai, chiri, caru Antártida nishca lugargunais, Yaya Diospa Shimira Internetpis yachachishcamanda, intiru mundui causajcuna, Diospa munaira ricsinuchu yanapashca. Chiraigu tucui shunguhua mañanchi, Jehová Diospa Shimi “tucui partima uctalla pasachu” nisha (2 Tesalonicenses 3:​1).

• Ñucanchi dirección www.pr418.com ¿imasnara Diospa Shimira mas yachachingahua yanapaun?

• Ñucanchi Internet direcciombiga ¿imara yachangaj munangui?