Jesucristom discipulonkunata nirqa: ‘Achkichkaq mechero hina kaychik runakunapa qayllanpi chaynapi allin rurasqaykichikta qawaspanku hanaq pachapi kaq Taytaykichikta aIabanankupaq’, nispa (Mateo 5:16). Chaypaqmi runakunapa allin rurasqankuta servichikuniku, hukninmi Internet. Testigonkuna imakunapi creesqaykumanta chaynataq imakuna rurasqaykumantam Internetpi yachawaq jw.org/quy nisqanpi. ¿Imakunamantam yachawaq?

Runakunapa tapukusqankumanta. Internetpim jw.org niqpi achka tapukuykunamanta rimachkan. Kachkanmi ¿Haykapipas tukunqachu ñakariy? hinaspa ¿Atinmankuchu wañuqkuna kawsarimuyta? niq qellqakuna 600 masnin rimaykunapi. Traducción del Nuevo Mundo niq Bibliapas 130 masnin rimaykunapiñam kachkan. Kachkantaqmi ¿Imatapunim Bibliaqa yachachin?, Willakuq hinaspa ¡Rikchariy! qellqakunapas. Tukuy kay qellqakunam kan Internetpi leenapaq, uyarinapaq otaq horqonapaq. Munaspaqa horqowaqmi Diospa Gobiernonmanta yachay munaqkunaman yachachinaykipaq. Makillankuwan rimaqkunapaqpas kachkanmi achka rimaykunapi videokuna, horqowaqtaqmi Bibliamanta tukuy sonqonwan leesqanku textokunata chaynataq actuaspa rimasqankuta hinaspa Diosta yupaychanapaq takikunatapas.

Testigonkunamantam imam kaqta willasunki. Tariwaqmi Allpantinpi predicasqaykupi ima sasachawasqankumanta noticiakunata otaq videokunata chaynataq runamasiykuta imayna yanapasqaykumantapas. Tarinkitaqmi hamuq killakunapi asambleakuna kananmanta chaynataq Betel wasiman imaynata qellqanaykipaqpas.

Internetnintakamam achkichkaq hina Diospa Palabranmanta runakunaman yachachiniku, Antártida nisqa lawmanpas chay yachachikuyqa chayanmi. Jehová Diostam mañakuniku Allpantinman Palabran chayaptin sutin hatunchasqa kananpaq (2 Tesalonicenses 3:1).

• ¿Imaynatam jw.org/quy nisqa yanapachkan Diospa Palabranmanta achka runakuna yachanankupaq?

• ¿Imamantam yachayta munawaq jw.org/quy nisqanpi?