Jesusca paipa catijcunamanga nircami: ‘Gentecunapa ñaupajpica michagushnami punchayachina canguichi. Canguna aliguta rurashpa causanajujpimi, shuj gentecunapash jahua pachapi tiajuj Taitataca ninanda alicachinajunga’ nishpa (Mateo 5:16). Chaita pactachingapami Internetta utilizapanchi. Testigocuna imata crishcata, imata rurajta yachachunmi www.pr418.com/qvi direccionga ayudan.

Bibliamanda tapuicunapa respuestatami ricuita ushapangui. Gentecunaca tauca tapuicunatami charin. Chai tapuicunapa huaquin respuestacunatami jw.org paginapi tari ushapangui. Cutin ¿Ima punllapash llaquilla causaica tucuringacha?, ¿Huañushca gentecunaca cutin causaringacha? nishca tratadocunatami jw.org paginapica 600 yali idiomacunapi descargai ushapangui. Shinallata Traducción del Nuevo Mundo Bibliapashmi 130 yali idiomacunapi tian. Bibliamanda yachajungapaca ¿Imatata Bibliaca yachachin? libropash, shuj publicaciongunapashmi tian. Chairalla llujshishca Villajun revistapashmi tian. Chai publicaciongunataca Internetpillata liinalla, uyanalla o MP3, PDF, EPUB o shuj formatocunapipash descarganallami can. Gentecuna parlaj shimipillata publicaciongunata saquingapaj munashpaca impriminallami cangui. Lugarlla cashpa uyangapaca, Bibliamanda liishcacunata, Bibliamanda dramacunata, canticocunatapash descarganallami cangui. Señas shimipi videocunapashmi tian.

Testigo de Jehovacuna imata rurashcatami ricuita ushapangui. Testigocunamanda noticiacunatami jw.org direccionbica villan. Cutin uchilla videocunapica mundo enteropi testigocunahuan ima pasajujta, imashina shujcunata ayudanajujtami ricuchin. Shinallata jatun tandanajuicuna ñalla tianata, Betel huasicuna maicunapilla tiajtapashmi ricuchin.

Tucui llactacunapi, chiri, caru Antártida nishca ladocunapipash Jehovamanda ali villaicunata rijsichingapaj jw.org dirección ayudashcamandami cushijupanchi. Mundo enteropi gentecuna Diosmanda yachajushpa paita jatunyachichunmi Jehová Diosta mañapanchi (2 Tesalonicenses 3:1, NM ).

• Ashtahuan gentecuna Diosmanda yachajuchunga ¿imashinata jw.org direccionga ayudajun?

• ¿Imatata jw.org direccionbi mascangapaj munapangui?